30 വർഷത്തെ പ്രവാസ ജീവിതം, പാലക്കാട് സ്വദേശി സൗദി അറേബ്യയിൽ മരിച്ചു

ജിദ്ദ കിങ് ഫഹദ് ആശുപത്രിയിൽ ചികിത്സയിലിരിക്കെ ബുധനാഴ്ച്ച രാവിലെയാണ് ഇദ്ദേഹത്തിന്‍റെ മരണം.

റിയാദ്: പാലക്കാട് പട്ടാമ്പി വിളയൂർ കുപൂത്ത് സ്വദേശി ഒ.ടി. കമാൽ (62) ജിദ്ദയിൽ നിര്യാതനായി. ജിദ്ദ ഫൈസലിയയിൽ ജോലി ചെയ്തുവരികയായിരുന്നു. അസുഖബാധിതനായി ജിദ്ദ കിങ് ഫഹദ് ആശുപത്രിയിൽ ചികിത്സയിലിരിക്കെ ബുധനാഴ്ച്ച രാവിലെയാണ് ഇദ്ദേഹത്തിെൻറ മരണം.

30 വർഷമായി പ്രവാസിയാണ്. മാതാവ്: ബീവിക്കുട്ടി, ഭാര്യ: ഖദീജ, മക്കൾ: കാമില, കഫീല, കാശിഫ്, മരുമക്കൾ: സൈതലവി, റഫീഖ്, റിസ്‌വാന. മരണാന്തര നടപടികൾ പൂർത്തിയാക്കി മൃതദേഹം ജിദ്ദയിൽ ഖബറടക്കും. നിയമനടപടികൾ പൂർത്തിയാകുന്നതിനും മറ്റു സഹായങ്ങൾക്കും കെ.എം.സി.സി ജിദ്ദ വെൽഫയർ വിങ് പ്രവർത്തകർ രംഗത്തുണ്ട്.