കാലാവസ്ഥാ മാറ്റം, ആ​ർ​ എ​സ് വി പ്ര​തി​രോ​ധ കു​ത്തി​വെ​പ്പു​മാ​യി ഖത്തർ പൊതുജനാരോഗ്യ മ​​ന്ത്രാ​ല​യം

കുട്ടികൾ, പ്രായമായവർ, നിത്യരോഗികൾ തുടങ്ങി പ്രതിരോധ ശേഷി കുറഞ്ഞവർക്കെല്ലാം ആ​ർ.​എ​സ്.​വി കു​ത്തി​വെ​പ്പ്​ എടുക്കണമെന്ന് ഖത്തര്‍ ആരോഗ്യ മന്ത്രാലയം അറിയിച്ചു. 

ദോഹ: കാലാവസ്ഥാ മാറ്റത്തെ തുടർന്നുണ്ടാകുന്ന രോഗങ്ങൾക്കതിരെ പ്രതിരോധ കുത്തിവെപ്പിന് ആഹ്വാനം ചെയ്ത് ഖത്തർ പൊതുജനാരോഗ്യ മന്ത്രാലയം. പനി, ജലദോഷം, കഫക്കെട്ട് ഉൾപ്പെടെയുള്ള രോഗങ്ങൾക്ക് ഇടയാക്കുന്ന റെസ്പിറേറ്ററി സിൻസിറ്റിയൽ വൈറസിനെതിരെ മു​ൻ​ക​രു​ത​ലാ​യി വാക്‌സിനെടുക്കാനാണ് പൊ​തു​ജ​ന​ങ്ങ​ളോ​ട് ആരോഗ്യ മന്ത്രാലയം നിർദേശം നൽകിയത്. 

കുട്ടികൾ, പ്രായമായവർ, നിത്യരോഗികൾ തുടങ്ങി പ്രതിരോധ ശേഷി കുറഞ്ഞവർക്കെല്ലാം ആ​ർ.​എ​സ്.​വി കു​ത്തി​വെ​പ്പ്​ സ്വീ​ക​രി​ക്കാ​വു​ന്ന​താ​ണ്. ശ്വസന വ്യവസ്ഥയെ ബാധിക്കുന്ന ഒരു സാ​ധാ​ര​ണ വൈ​റ​സാ​യാ​ണ്​ റെസ്പിറേറ്ററി സിൻസിറ്റിയൽ വൈറസിനെ ക​ണ​ക്കാ​ക്കു​ന്ന​ത്. മൂക്കൊലിപ്പ്, വരണ്ട ചുമ, തൊണ്ടവേദന, തുമ്മൽ, തലവേദന, നേരിയ പനി എന്നിവയാണ് ആ​ർ.​എ​സ്.​വിയുടെ ലക്ഷണങ്ങൾ. ഈ ലക്ഷണങ്ങൾ, ജലദോഷത്തിൽ നിന്നോ മറ്റ് ശ്വസന വൈറസുകളിൽ നിന്നോ ആർ‌എസ്‌വിയെ വേർതിരിച്ചറിയാൻ ബുദ്ധിമുട്ടാക്കും. 

ആന്റിജൻ പരിശോധനയിലൂടെയാണ് ആർ‌എസ്‌വി കണ്ടെത്തുന്നത്. ലോകാരോഗ്യ സംഘടനയുടെ (WHO) കണക്കനുസരിച്ച്, ലോകമെമ്പാടുമുള്ള കുട്ടികളിൽ ശ്വാസകോശ സംബന്ധമായ അണുബാധകൾക്കുള്ള പ്രധാന കാരണങ്ങളിലൊന്നാണ് ആ​ർ.​എ​സ്.​വി. കൂടാതെ പ്രായമായവരിൽ ഗുരുതരമായ ശ്വാസകോശ സംബന്ധമായ അസുഖങ്ങൾക്കും ഇത് കാരണമാകുന്നു. അ​സു​ഖം ബാ​ധി​ച്ച​വ​രി​ൽ നി​ന്നും വേ​ഗ​ത്തി​ൽ പ​ട​രാ​നും സാ​ധ്യ​ത​യു​ണ്ട്. ശ്ര​ദ്ധി​ച്ചി​ല്ലെ​ങ്കി​ൽ ന്യൂ​മോ​ണി​യ, ബ്രോങ്കൈറ്റിസ് തുടങ്ങിയ ഗു​രു​ത​ര ആ​രോ​ഗ്യ​പ്ര​ശ്​​ന​ങ്ങ​ളി​ലേ​ക്ക്​ വ​ഴി​വെ​ക്കും. 

വൈ​റ​സി​നെ​തി​രെയുള്ള പ്ര​തി​രോ​ധ കു​ത്തി​വെ​പ്പ്​ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ൽ ല​ഭ്യ​മാ​വും. ഏ​റ്റ​വും അ​ടു​ത്തു​ള്ള പ്രൈമറി ഹെൽത്ത് കെയർ കോർപ്പറേഷൻ(പി.​എ​ച്ച്.​സി.​സി​) കേന്ദ്രങ്ങൾ സ​ന്ദ​ർ​ശി​ക്കു​ക​യോ, 107 എ​ന്ന ന​മ്പ​റി​ൽ വി​ളി​ച്ച്​ ഷെ​ഡ്യൂ​ൾ​ ചെ​യ്യു​ക​യോ ആ​വാം. 60 വ​യ​സ്സി​നു മു​ക​ളി​ലു​ള്ള മു​തി​ർ​ന്ന​വ​ർ, രോ​ഗ​പ്ര​തി​രോ​ധ ശേ​ഷി​ കുറഞ്ഞവർ, ഹൃ​ദ്രോ​ഗം, വി​ട്ടു​മാ​റാ​ത്ത ശ്വാ​സ​കോ​ശ രോ​ഗ​ങ്ങ​ൾ തുടങ്ങിയ ആ​രോ​ഗ്യ​പ്ര​ശ്ന​ങ്ങ​ളു​ള്ളവർ എ​ന്നി​വ​ർ ആ​ർ‌.​എ​സ്‌.​വി വാ​ക്സി​ൻ സ്വീ​ക​രി​ക്ക​ണ​മെ​ന്ന് മ​ന്ത്രാ​ല​യം നി​ർ​ദേ​ശി​ച്ചു. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം