ഇറാനിലെ ആണവ കേന്ദ്രങ്ങള്‍ക്ക് നേരെയുള്ള ആക്രമണത്തിൽ മുന്നറിയിപ്പുമായി ഖത്തർ

സംഘർഷം അവസാനിപ്പിക്കണമെന്നും ഇരുകക്ഷികളും ചർച്ചയ്ക്ക് തയ്യാറാകണമെന്നും ഖത്തർ.

ദോഹ: ഇ​റാ​ൻ-​ഇ​സ്രാ​യേ​ൽ സം​ഘ​ർ​ഷം രൂ​ക്ഷ​മാ​വു​ന്ന​തി​നി​ടെ ഇറാന്റെ ആണവ കേന്ദ്രങ്ങള്‍ക്ക് നേരെയുള്ള ആക്രമണങ്ങൾക്ക് വലിയ വില നൽകേണ്ടി വരുമെന്ന മുന്നറിയിപ്പുമായി ഖത്തർ. ഇറാനിലെ ജനവാസ കേന്ദ്രങ്ങളെയും ആണവ കേന്ദ്രങ്ങളെയും ലക്ഷ്യമിട്ട് ഇസ്രായേൽ ആക്രമണം നടത്തുന്ന സാഹചര്യത്തിലാണ് ആശങ്കയുമായി ഖത്തർ രംഗത്തെത്തിയത്. ആണവ കേന്ദ്രങ്ങളെ ലക്ഷ്യം വെച്ചുള്ള ആക്രമണങ്ങൾ പ്രത്യാഘാതമുണ്ടാക്കുമെന്നും ആഗോള ഊർജ്ജ വിപണിയെയും പ്രാദേശിക സുരക്ഷയെയും ഇത് ബാധിക്കുമെന്നും ഖത്തര്‍ വിദേശകാര്യ മ​ന്ത്രാ​ല​യ വക്താവും പ്ര​ധാ​ന​മ​ന്ത്രി​യു​ടെ ഉ​പ​ദേ​ഷ്ടാ​വു​മാ​യ മാജിദ് ബിൻ മുഹമ്മദ്‌ അല്‍ അന്‍സാരി മുന്നറിയിപ്പ് നല്‍കി. മേ​ഖ​ല​യു​ടെ സു​ര​ക്ഷ സം​ബ​ന്ധി​ച്ച് ആ​ശ​ങ്ക പ​ങ്കു​വെ​ച്ച അ​ദ്ദേ​ഹം, പ്ര​തി​സ​ന്ധി​ക​ളും സം​ഘ​ർ​ഷ​ങ്ങ​ളും ഇ​നി താ​ങ്ങാ​നാ​വി​ല്ലെ​ന്നും സം​ഘ​ർ​ഷം ല​ഘൂ​ക​രി​ക്കേ​ണ്ട​തി​നാ​ണ് പ്രാ​ധാ​ന്യം ന​ൽ​കേ​ണ്ട​തെ​ന്നും വ്യ​ക്ത​മാ​ക്കി.

സംഘർഷം അവസാനിപ്പിക്കുന്നതിനും മേഖലയിൽ സമാധാനം സാധ്യമാക്കുന്നതിനും വേണ്ടി സാധ്യമായതെല്ലാം ചെയ്യാൻ ഖത്തർ തയ്യാറാണെന്നും അദ്ദേഹം പറഞ്ഞു. തു​ട​ർ​ച്ച​യാ​യ സം​ഘ​ർ​ഷ​ങ്ങ​ൾ​ക്ക് നേ​തൃ​ത്വം ന​ൽ​കു​ക​യും, മേ​ഖ​ല​യി​ലെ ഇ​ത​ര ഭാ​ഗ​ങ്ങ​ളി​ലേ​ക്ക് ആ​ക്ര​മണം വ്യാപിപ്പിക്കുകയുമാണ് ഇ​സ്രാ​യേ​ൽ ചെയ്യുന്നതെന്നും വി​ദേ​ശ​കാ​ര്യ വ​ക്താ​വ് വി​മ​ർ​ശി​ച്ചു. പ​ശ്ചി​മേ​ഷ്യ​യി​ലെ എ​ല്ലാ രാ​ജ്യ​ങ്ങ​ളും സം​ഘ​ർ​ഷം ല​ഘൂ​ക​രി​ക്കാ​ൻ ശ്ര​മി​ക്കു​മ്പോ​ൾ, മേ​ഖ​ല​യി​ലെ ഒ​രു​കൂ​ട്ട​ർ മാ​ത്രം സ​മാ​ധാ​ന ശ്ര​മ​ങ്ങ​ൾ പ​രാ​ജ​യ​പ്പെ​ടു​ത്തു​ക​യും, സ്ഥി​തി​ഗ​തി​ക​ൾ കൂ​ടു​ത​ൽ വ​ഷ​ളാ​ക്കു​ക​യും ചെ​യ്യു​ന്ന​താ​യും അ​ദ്ദേ​ഹം ചൂ​ണ്ടി​ക്കാ​ട്ടി. സം​ഘ​ർ​ഷം തു​ട​രു​മ്പോ​ഴും നിലവിൽ നോര്‍ത്ത് ഫീല്‍ഡ് ഉള്‍പ്പെടെ ഖത്തറില്‍ എല്‍എന്‍ജി ഉല്‍പാദന കേന്ദ്രങ്ങള്‍ സുരക്ഷിതമാണെന്നും മാജിദ് അല്‍ അന്‍സാരി പറഞ്ഞു.

മേ​ഖ​ല​യി​ൽ പ്ര​വ​ർ​ത്തി​ക്കു​ന്ന അ​ന്താ​രാ​ഷ്ട്ര ക​മ്പ​നി​ക​ളു​ടെ അ​ട​ക്കം എ​ണ്ണ, വാ​ത​ക ക​യ​റ്റു​മ​തി സാ​ധാ​ര​ണ​ഗ​തി​യി​ൽ​ത​ന്നെ പ്ര​വ​ർ​ത്ത​നം തു​ട​രു​ന്നു​ണ്ട്. അതേസമയം, ആ​ണ​വ കേ​ന്ദ്ര​ങ്ങ​ളെ ല​ക്ഷ്യം​വെ​ച്ചു​ള്ള ആ​ക്ര​മ​ണ​ങ്ങ​ൾ പ്രാ​ദേ​ശി​ക​മായും അ​ന്താ​രാ​ഷ്ട്ര ത​ല​ത്തി​ലും സു​ര​ക്ഷ​ക്കും സ​മാ​ധാ​ന​ത്തി​നും ഭീ​ഷ​ണി​യാ​കു​മെ​ന്ന് അ​ന്താ​രാ​ഷ്ട്ര ആ​ണ​വോ​ർ​ജ ഏ​ജ​ൻ​സി ഡ​യ​റ​ക്ട​ർ ജ​ന​റ​ൽ റാ​ഫേ​ൽ ഗ്രോ​സ്സി​യു​മാ​യി നടത്തിയ ഫോൺ സംഭാഷണത്തിൽ ഖ​ത്ത​ർ വി​ദേ​ശ​കാ​ര്യ സ​ഹ​മ​ന്ത്രി ഡോ. ​മു​ഹ​മ്മ​ദ് ബി​ൻ അ​ബ്ദു​ൽ അ​സീ​സ് ബി​ൻ സാ​ലി​ഹ് അ​ൽ ഖു​ലൈ​ഫി വ്യ​ക്ത​മാ​ക്കി. ആ​ണ​വ കേ​ന്ദ്ര​ങ്ങ​ളു​ടെ സു​ര​ക്ഷ ഉ​റ​പ്പാ​ക്കാ​നും, ആ​ഗോ​ള സു​ര​ക്ഷ​യെ ബാ​ധി​ക്കു​ന്ന ഭീ​ഷ​ണി​ക​ൾ ഒ​ഴി​വാ​ക്കാ​നും ഇ​രു​വ​രും ഫോ​ൺ സം​ഭാ​ഷ​ണ​ത്തി​ൽ ആ​വ​ശ്യ​മു​ന്ന​യി​ച്ചു.

മേ​ഖ​ല​യു​ടെ​യും ലോ​ക​ത്തി​ന്റെ​യും സ​മാ​ധാ​നത്തിന് ​മുൻഗണന ന​ൽ​കി സംഘർഷം അവസാനിപ്പിക്കാൻ, ഇരു കക്ഷികളും ച​ർ​ച്ചയിലേക്ക് തിരിച്ചെത്തണമെ​ന്നും, ഖ​ത്ത​ർ അ​തി​നു​ള്ള ശ്ര​മ​ങ്ങ​ൾ സ​ജീ​വ​മാ​ക്കു​ന്ന​താ​യും അദ്ദേഹം വ്യ​ക്ത​മാ​ക്കി. ഇ​റാ​ന്റെ പ​ര​മാ​ധി​കാ​ര​ത്തി​നും സു​ര​ക്ഷ​ക്കും എ​തി​രാ​യ ഇ​സ്രാ​യേ​ലി ആ​ക്ര​മ​ണ​ത്തെ ഖ​ത്ത​ർ ശ​ക്ത​മാ​യി അ​പ​ല​പി​ക്കു​ന്ന​താ​യും, അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും ച​ട്ട​ങ്ങ​ളു​ടെ​യും ന​ഗ്ന​മാ​യ ലം​ഘ​ന​മാ​ണെ​ന്നും ഖ​ത്ത​ർ വി​ദേ​ശ​കാ​ര്യ സ​ഹ​മ​ന്ത്രി അ​ഭി​പ്രാ​യ​പ്പെ​ട്ടു.