ഖത്തർ ദേശീയ ദിനം: സൂം ആപ്പ് വഴി പ്രത്യേക നമ്പർ പ്ലേറ്റുകളുടെ ലേലവുമായി ആഭ്യന്തര മന്ത്രാലയം

സൂം ആപ്പ് വഴി, എക്സ്ക്ലൂസീവ് വാഹന ലൈസൻസ് പ്ലേറ്റ് നമ്പറുകളുടെ ഒരു സെറ്റ് ഉടൻ പുറത്തിറക്കുമെന്ന് ഖത്തർ ആഭ്യന്തര മന്ത്രാലയം. നമ്പർ പ്ലേറ്റ് ലേലങ്ങൾ നടത്തുന്നതിന് ലളിതവും സുതാര്യമായതുമായ ഡിജിറ്റൽ പ്ലാറ്റ്ഫോം കൂടിയാണിത്.

ദോഹ: ഖത്തറിന്‍റെ ദേശീയ ദിനാഘോഷങ്ങളുടെ ഭാഗമായി സൂം ആപ്പ് വഴി, എക്സ്ക്ലൂസീവ് വാഹന ലൈസൻസ് പ്ലേറ്റ് നമ്പറുകളുടെ ഒരു സെറ്റ് ഉടൻ പുറത്തിറക്കുമെന്ന് ആഭ്യന്തര മന്ത്രാലയം അറിയിച്ചു. ജനറൽ ഡയറക്ടറേറ്റ് ഓഫ് ട്രാഫിക്കുമായി സഹകരിച്ചാണ് മന്ത്രാലയം നമ്പർ പ്ലേറ്റുകളുടെ ലേലം നടത്തുന്നത്. മന്ത്രാലയത്തിന്‍റെ ഇ-സേവനങ്ങൾ മെച്ചപ്പെടുത്തുന്നതിനായി ആരംഭിച്ച മൊബൈൽ ആപ്ലിക്കേഷനാണ് സൂം. നമ്പർ പ്ലേറ്റ് ലേലങ്ങൾ നടത്തുന്നതിന് ലളിതവും സുതാര്യമായതുമായ ഡിജിറ്റൽ പ്ലാറ്റ്ഫോം കൂടിയാണിത്. എല്ലാ വർഷവും ഡിസംബർ 18 നാണ് ഖത്തർ ദേശീയ ദിനമായി ആഘോഷിക്കുന്നത്.