112 രാ​ജ്യ​ങ്ങ​ളി​ലേ​ക്ക് വി​സ​യി​ല്ലാ​തെ സ​ഞ്ച​രി​ക്കാം, ഹെൻലി പാസ്‌പോർട്ട് സൂചികയിൽ ഖ​ത്ത​ർ 47-ാം സ്ഥാ​നത്ത്

112 രാ​ജ്യ​ങ്ങ​ളി​ലേ​ക്ക് വി​സ​യി​ല്ലാ​തെ സ​ഞ്ച​രി​ക്കാം

ദോ​ഹ: ലോ​​ക​​ത്തി​​ലെ ഏ​​റ്റ​​വും ശ​​ക്ത​​മാ​​യ പാ​​സ്​​​പോ​​ർ​​ട്ടു​​ക​​ളു​​ടെ പ​​ട്ടി​​ക​​യി​​ൽ മി​ക​ച്ച പ്ര​ക​ട​ന​വു​മാ​യി ഖ​ത്ത​ർ. ഹെ​ൻ​ലി പാ​സ്​​പോ​ർ​ട്ട് സൂചികയിൽ ആഗോള തലത്തിൽ 47ാം സ​ഥാ​ന​ത്താ​ണ് ഖ​ത്ത​ർ. ഖ​ത്ത​ർ പാ​സ്​​പോ​ർ​ട്ട് ഉ​പ​യോ​ഗി​ച്ച് 112 രാ​ജ്യ​ങ്ങ​ളി​ലേ​ക്ക് വി​സ​യി​ല്ലാ​തെ സ​ഞ്ച​രി​ക്കാം. ക​ഴി​ഞ്ഞ​വ​ർ​ഷം ഇ​ത് 107 രാ​ജ്യ​ങ്ങ​ളായി​രു​ന്നു. 2020ൽ 54, 2021​ൽ 60, 2022ൽ 53, 2023​ൽ 55, 2024ൽ 46 ​എ​ന്നി​ങ്ങ​നെ​യാ​യി​രു​ന്നു സൂചികയിൽ മുൻ വ​ർ​ഷ​ങ്ങ​ളി​ലെ ഖ​ത്ത​റി​ന്റെ പ്രകടനം. പ​ട്ടി​ക​യി​ൽ എ​ട്ടാം സ​ഥാ​ന​വുമായി ജി.​സി.​സി രാ​ജ്യ​ങ്ങ​ളി​ൽ യു.​എ.​ഇ ആണ് മുന്നിൽ. 184 രാ​ജ്യ​ങ്ങ​ളി​ലേ​ക്ക് യു.​എ.​ഇ പൗ​ര​ന്മാ​ർ​ക്ക് വി​സ​ര​ഹി​ത​മാ​യി സ​ഞ്ച​രി​ക്കാം. പ​ട്ടി​ക​യി​ൽ കു​വൈ​ത്ത് 50ഉം സൗ​ദി അ​റേ​ബ്യ 54 ഉം ബ​ഹ്റൈ​ൻ 55ഉം ​ഒ​മാ​ൻ 56ഉം സ​ഥാ​ന​ത്താ​​ണ്.

ലോ​​ക​​ത്തി​​ലെ ഏ​​റ്റ​​വും ശ​​ക്ത​​മാ​​യ പാ​​സ്​​​പോ​​ർ​​ട്ടായി പട്ടികയിൽ ഒന്നാം സ്ഥാനത്തുള്ളത് സിം​ഗ​പ്പൂ​ർ പാ​സ്​​പോ​ർ​ട്ടാ​ണ്. സിം​ഗ​പ്പൂ​ർ പാ​സ്​​പോ​ർ​ട്ടു​ള്ള​വ​ർ​ക്ക് 193 രാ​ജ്യ​ങ്ങ​ളി​ൽ വി​സ​യി​ല്ലാ​തെ പ്ര​വേ​ശി​ക്കാ​നാ​വും. ഇ​ന്ത്യ 77-ാം സ്ഥാ​ന​ത്താ​ണ്. ഇ​ന്ത്യ​ൻ പാ​സ്​​പോ​ർ​ട്ട് ഉ​പ​യോ​ഗി​ച്ച് 59 രാ​ജ്യ​ങ്ങ​ളിലേക്ക് വി​സ​യി​ല്ലാ​തെ സ​ഞ്ച​രി​ക്കാം. ലണ്ടൻ ആസ്ഥാനമായുള്ള ഹെൻലി ആൻഡ് പാർട്ണേഴ്സ്, ഇന്റർനാഷനൽ എയർ ട്രാൻസ്‌പോർട്ട് അസോസിയേഷനിൽ നിന്ന് ശേഖരിച്ച ഡാറ്റ ഉപയോഗിച്ചാണ് ഏ​​റ്റ​​വും ശ​​ക്ത​​മാ​​യ പാസ്‌പോർട്ടുകളുടെ റാങ്കിങ് സൂചിക തയ്യാറാക്കുന്നത്. 227 രാജ്യങ്ങളാണ് പട്ടികയിൽ ആകെ ഉൾപ്പെടുത്തിയത്.