സൗദി അറേബ്യയിൽ കൊവിഡ് ശമനമില്ല; ഇന്നും മുന്നൂറിലധികം പുതിയ രോഗികള്‍

രോഗബാധിതരിൽ 290 പേർ ഇന്ന് സുഖം പ്രാപിച്ചു. രാജ്യത്ത് വിവിധ ഭാഗങ്ങളിലായി മൂന്ന് പേർ മരിച്ചു. ഇതോടെ രാജ്യത്ത് റിപ്പോർട്ട് ചെയ്ത കൊവിഡ് കേസുകളുടെ  ആകെ എണ്ണം 3,68,945ഉം രോഗമുക്തരുടെ എണ്ണം 3,60,400ഉം ആയി. 

റിയാദ്: ഇടവേളക്ക് ശേഷം സൗദി അറേബ്യയിൽ വീണ്ടും കൊവിഡ് രോഗ ബാധ പടരുന്നു. ഇന്ന് 306 പേർക്കാണ് രോഗം സ്ഥിരീകരിച്ചത്. നൂറിന് താഴേക്ക് വന്ന പ്രതിദിന കണക്കിലാണ് രണ്ടുദിവസത്തിനിടെ ഈ ഉയർച്ച വീണ്ടുമുണ്ടായത്. എന്നാൽ സുഖം പ്രാപിക്കുന്ന എണ്ണം ഉയരുന്നതും മരണസംഖ്യ കുറഞ്ഞതും ആശ്വാസമായിട്ടുണ്ട്.  

രോഗബാധിതരിൽ 290 പേർ ഇന്ന് സുഖം പ്രാപിച്ചു. രാജ്യത്ത് വിവിധ ഭാഗങ്ങളിലായി മൂന്ന് പേർ മരിച്ചു. ഇതോടെ രാജ്യത്ത് റിപ്പോർട്ട് ചെയ്ത കൊവിഡ് കേസുകളുടെ  ആകെ എണ്ണം 3,68,945ഉം രോഗമുക്തരുടെ എണ്ണം 3,60,400ഉം ആയി. ആകെ മരണസംഖ്യ 6386 ആയി ഉയർന്നു. അസുഖ ബാധിതരായി ചികിത്സയിൽ കഴിയുന്നവരുടെ  എണ്ണം 2159 ആയി കുറഞ്ഞു. ഇതിൽ ഗുരുതരാവസ്ഥയിലുള്ളവരുടെ എണ്ണം 379 ആണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്.  ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. 

രാജ്യത്തെ രോഗ മുക്തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുന്നു. കഴിഞ്ഞ 24  മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കേസുകൾ: റിയാദ് 124, കിഴക്കൻ പ്രവിശ്യ 58, മക്ക 52, മദീന 13, അൽഖസീം 12, അസീർ 11, വടക്കൻ  അതിർത്തി മേഖല 9, അൽബാഹ 6, ജീസാൻ 6, നജ്റാൻ 5, തബൂക്ക് 5, അൽജൗഫ് 3, ഹാഇൽ 2.