സൗദി സഖ്യസേന യമനില്‍ ആക്രമണം ശക്തമാക്കുന്നു

രണ്ട് ദിവസം മുന്‍പ് ചെങ്കടലില്‍ സൗദിയുടെ രണ്ട് എണ്ണക്കപ്പലുകള്‍ ആക്രമിക്കപ്പെട്ടതിന് പിന്നാലെയാണ് യമനിലെ സൈനിക നടപടി സൗദി ശക്തമാക്കിയത്. 

ഏദന്‍: സൗദി അറേബ്യ നേതൃത്വം നല്‍കുന്ന സഖ്യസേന യമനില്‍ വ്യോമാക്രമണം ശക്തമാക്കി. തുറമുഖ നഗരമായ ഹുദൈദയിലാണ് വെള്ളിയാഴ്ച ആക്രമണം നടത്തിയത്. രണ്ട് ദിവസം മുന്‍പ് ചെങ്കടലില്‍ സൗദിയുടെ രണ്ട് എണ്ണക്കപ്പലുകള്‍ ആക്രമിക്കപ്പെട്ടതിന് പിന്നാലെയാണ് യമനിലെ സൈനിക നടപടി സൗദി ശക്തമാക്കിയത്. ആക്രമണത്തിന് പിന്നില്‍ ഇറാന്റെ പിന്തുണയോടെ പ്രവര്‍ത്തിക്കുന്ന ഹൂതി വിമതരാണെന്ന് സൗദി ആരോപിച്ചിരുന്നു. തുടര്‍ന്ന് വെള്ളിയാഴ്ച പുലര്‍ച്ചെയായിരുന്നു യുദ്ധ വിമാനങ്ങള്‍ ആക്രമണം നടത്തിയത്. ഹൂതി മിലിട്ടറി പൊലീസ് ക്യാമ്പും നഗരത്തിലെ ഒരു ഫാക്ടറിയും സൈന്യം തകര്‍ത്തു.