സൗദി അറേബ്യയിൽ പ്രതിദിന കൊവിഡ് രോഗികളുടെ എണ്ണം അറുന്നൂറിലേക്ക്

ഇതുവരെ രാജ്യത്ത് രോഗം സ്ഥിരീകരിച്ചവരുടെ ആകെ എണ്ണം 3,90,597 ആയി. ഇവരില്‍ 3,78,469 പേര്‍ക്കും രോഗം ഭേദമായി.

റിയാദ്: സൗദി അറേബ്യയില്‍ പുതുതായി കൊവിഡ് ബാധിക്കുന്നവരുടെ എണ്ണം അറുന്നൂറിലേക്ക്. ഇന്ന് 590 പേര്‍ക്ക് കൂടി കൊവിഡ് സ്ഥിരീകരിച്ചു. 24 മണിക്കൂറിനിടെ 386 പേര്‍ രോഗമുക്തി നേടി. രാജ്യത്ത് വിവിധ ഭാഗങ്ങളിലായി ഏഴ് പേര്‍ മരിച്ചു.

ഇതുവരെ രാജ്യത്ത് രോഗം സ്ഥിരീകരിച്ചവരുടെ ആകെ എണ്ണം 3,90,597 ആയി. ഇവരില്‍ 3,78,469 പേര്‍ക്കും രോഗം ഭേദമായി. ആകെ മരണസംഖ്യ 6,676 ആയി. രാജ്യത്തെ വിവിധ ആശുപത്രികളിലും മറ്റുമായി 5,452 പേര്‍ ചികിത്സയില്‍ കഴിയുന്നു. ഇവരില്‍ 699 പേരുടെ നില ഗുരുതരമാണ്. ചികിത്സയില്‍ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. കൊവിഡ് മുക്തി നിരക്ക് 96.9 ശതമാനമായും  മരണനിരക്ക് 1.7 ശതമാനമായും തുടരുന്നു. കഴിഞ്ഞ 24 മണിക്കൂറിനിടെ വിവിധ മേഖലകളില്‍ റിപ്പോര്‍ട്ട് ചെയ്ത പുതിയ കേസുകള്‍: റിയാദ് 238, മക്ക 111, കിഴക്കന്‍ പ്രവിശ്യ 84, മദീന 34, വടക്കന്‍ അതിര്‍ത്തി മേഖല 30, ഹായില്‍ 22, അല്‍ഖസീം 18, അസീര്‍ 17, തബൂക്ക് 12, ജിസാന്‍ 10, നജ്റാന്‍ 7, അല്‍ജൗഫ് 4, അല്‍ബാഹ 3.