കൊവിഡ്: സൗദിയില് 48 രോഗികളും മൂന്ന് മരണവും
Synopsis
രാജ്യത്ത് ആകെ റിപ്പോര്ട്ട് ചെയ്ത രോഗ ബാധിതരുടെ എണ്ണം 5,47,497 ആയി. ഇതില് 5,36,534 പേരും സുഖം പ്രാപിച്ചു. ആകെ 8,739 പേര് മരിച്ചു.
റിയാദ്: സൗദി അറേബ്യയില് കൊവിഡ് ബാധിച്ച് മൂന്ന് മരണം കൂടി റിപ്പോര്ട്ട് ചെയ്തു. 48 പേര്ക്ക് കൂടി പുതുതായി കൊവിഡ് സ്ഥിരീകരിച്ചു. സൗദി ആരോഗ്യമന്ത്രാലയം പുറത്തുവിട്ട പ്രതിദിന കണക്ക് പ്രകാരം രാജ്യത്താകെ 24 മണിക്കൂറിനിടയില് 41 പേര് രോഗമുക്തി നേടി. 51,178 പി.സി.ആര് പരിശോധനകളാണ് ഇന്ന് നടന്നത്.
രാജ്യത്ത് ആകെ റിപ്പോര്ട്ട് ചെയ്ത രോഗ ബാധിതരുടെ എണ്ണം 5,47,497 ആയി. ഇതില് 5,36,534 പേരും സുഖം പ്രാപിച്ചു. ആകെ 8,739 പേര് മരിച്ചു. ബാക്കി ചികിത്സയിലുള്ളവരില് 138 പേര്ക്ക് മാത്രമാണ് ഗുരുതര സ്ഥിതി. രാജ്യത്തെ കൊവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. രാജ്യത്ത് വാക്സിനേഷന് 43,134,252 ഡോസ് കവിഞ്ഞു. ഇതില് 23,601,606 എണ്ണം ആദ്യ ഡോസ് ആണ്. 19,532,646 എണ്ണം സെക്കന്ഡ് ഡോസും. 1,667,430 ഡോസ് പ്രായാധിക്യമുള്ളവര്ക്കാണ് നല്കിയത്. രാജ്യത്തെ വിവിധ മേഖലകളില് പുതുതായി റിപ്പോര്ട്ട് ചെയ്ത രോഗികളുടെ എണ്ണം: റിയാദ് 14, ജിദ്ദ 11, മക്ക 2, ജീസാന് 2, മറ്റ് 19 സ്ഥലങ്ങളില് ഓരോ വീതം രോഗികള്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam