ആധുനിക സൗകര്യങ്ങളോടെ 1.7 കിലോമീറ്റർ തീരം, ഷുവൈഖ് ബീച്ച് ഉദ്ഘാടനം ബുധനാഴ്ച

ഷുവൈഖ് ബീച്ച് പ്രോജക്റ്റ് അടുത്ത ബുധനാഴ്ച ഉദ്ഘാടനം ചെയ്യും. കഴിഞ്ഞ വർഷം ആരംഭിച്ച ഈ പദ്ധതി, 1.7 കിലോമീറ്റർ ദൂരത്തിലാണ് വ്യാപിച്ചു കിടക്കുന്നത്. ഷുവൈഖ് ബീച്ച് വികസന, സൗന്ദര്യവത്കരണ പദ്ധതിയിൽ നാല് സോണുകൾ ഉൾപ്പെടുന്നു.

കുവൈത്ത് സിറ്റി: കുവൈത്ത് മുനിസിപ്പാലിറ്റിയുടെ പുതിയ ഷുവൈഖ് ബീച്ച് പ്രോജക്റ്റ് അടുത്ത ബുധനാഴ്ച ഒക്ടോബർ 1-ന് ഉദ്ഘാടനം ചെയ്യാനൊരുങ്ങുന്നു. നാഷണൽ ബാങ്ക് ഓഫ് കുവൈത്തിൽ നിന്ന് ലഭിച്ച 30 ലക്ഷം കുവൈത്തി ദിനാറിന്‍റെ സംഭാവനയോടെ കഴിഞ്ഞ വർഷം ആരംഭിച്ച ഈ പദ്ധതി, 1.7 കിലോമീറ്റർ ദൂരത്തിലാണ് വ്യാപിച്ചു കിടക്കുന്നത്.

പരിസ്ഥിതി, ആരോഗ്യം, കായികം, വിനോദം എന്നിവയ്ക്ക് പ്രാധാന്യം നൽകിക്കൊണ്ട് ഷുവൈഖ് വാട്ടർഫ്രണ്ടിനെ ആധുനിക സൗകര്യങ്ങളുള്ള ഒരു കേന്ദ്രമാക്കി മാറ്റുകയാണ് ഈ പദ്ധതിയുടെ ലക്ഷ്യം. ഷുവൈഖ് ബീച്ച് വികസന, സൗന്ദര്യവത്കരണ പദ്ധതിയിൽ നാല് സോണുകൾ ഉൾപ്പെടുന്നു. നഗരത്തിന്‍റെ പ്രധാന വാട്ടർഫ്രണ്ട് പ്രദേശങ്ങളിലൊന്ന് എന്ന നിലയിൽ, ഈ പുതിയ വികസനം പൊതുജനങ്ങൾക്ക് വിനോദത്തിനും കായിക വിനോദങ്ങൾക്കും മികച്ച ഇടം ഒരുക്കുമെന്നാണ് പ്രതീക്ഷിക്കുന്നത്.