സൗദി അറേബ്യയിൽ ഇന്ന് ആറ് കൊവിഡ്‌ മരണം; 368 പേര്‍ക്ക് കൂടി രോഗം സ്ഥിരീകരിച്ചു

2830 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ കഴിയുന്നു. ഇവരിൽ 528 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. 

റിയാദ്: സൗദി അറേബ്യയിൽ കൊറോണ ബാധിച്ച് ആറ്‌ പേർ കൂടി മരിച്ചു. ഇന്ന് 386 പേർക്ക്​ പുതിയതായി രോഗബാധ സ്ഥിരീകരിച്ചു. ചികിത്സയിൽ കഴിയുന്നവരിൽ 245 പേർ സുഖം പ്രാപിച്ചു. ഇതുവരെ രോഗം സ്ഥിരീകരിച്ചവരുടെ ആകെ എണ്ണം 380958 ആയി. ഇതിൽ 371583 പേർ സുഖം പ്രാപിച്ചു. ആകെ മരണസംഖ്യ 6545 ആയി. 

2830 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ കഴിയുന്നു. ഇവരിൽ 528 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ  റിപ്പോർട്ട് ചെയ്ത പുതിയ കൊവിഡ് കേസുകൾ: റിയാദ് 177, കിഴക്കൻ പ്രവിശ്യ 81, മക്ക 43, ഹായിൽ 16, മദീന 13, അൽഖസീം 12, അസീർ 10, വടക്കൻ അതിർത്തി മേഖല 8, ജീസാൻ 8, തബൂക് 6, അൽജൗഫ് 6, നജ്​റാൻ 4, അൽബാഹ 2.