ഖത്തറിൽ വേനലിന് പരിസമാപ്തി, ഇനി ശരത്കാലം

ജ്യോതിശാസ്ത്രപരമായി ഖത്തറിൽ വേനൽക്കാലം അവസാനിച്ചു. സെപ്റ്റംബർ 22 തിങ്കളാഴ്ച ഖത്തറിൽ വേനൽക്കാലത്തിന്‍റെ അവസാനവും ശരത്കാലത്തിന്‍റെ ആരംഭവുമാണ്.

ദോഹ: ജ്യോതിശാസ്ത്രപരമായി സെപ്റ്റംബർ 22 തിങ്കളാഴ്ച ഖത്തറിൽ വേനൽക്കാലത്തിന്‍റെ അവസാനവും ശരത്കാലത്തിന്‍റെ ആരംഭവുമാണെന്ന് അറിയിച്ച് ഖത്തർ കാലാവസ്ഥാ വകുപ്പ് (ക്യു.എം.ഡി). ഈ ദിവസം സൂര്യൻ ഭൂമധ്യരേഖയ്ക്ക് നേരിട്ട് മുകളിലായിരിക്കുമെന്നും താപനില മിതമായിരിക്കുമെന്നും പ്രാദേശിക മഴമേഘങ്ങൾ ഉണ്ടാകാനുള്ള സാധ്യത കൂടുതലായിരിക്കുമെന്നും ക്യു.എം.ഡി പ്രസ്താവിച്ചു. ശരത്കാല വിഷുവത്തിൽ, പകലും രാത്രിയും തുല്യമായിരിക്കുമെന്നും കാലാവസ്ഥാ വകുപ്പ് അഭിപ്രായപ്പെട്ടു.