പുതിയ മിനി എൽഇഡി ക്യുഎൽഇഡി ടിവികളും ഗ്യഹോപകരണങ്ങളും അവതരിപ്പിച്ച് ടിസിഎൽ

160ലധികം രാജ്യങ്ങളിലും മേഖലകളിലും സാന്നിധ്യമുള്ള സാങ്കേതിക ബ്രാൻഡ് എന്ന നിലയിൽ, ആഗോള തലത്തിൽ ഏകദേശം 300 ദശലക്ഷം ഉപയോക്താക്കൾക്ക് ടിസിഎൽ ഉൽപന്നങ്ങൾ നൽകുന്നു.

ദുബൈ: ആഗോള രണ്ടാം നമ്പർ എൽസിഡി ടിവി ബ്രാൻഡും ഉപയോക്തൃ ഇലക്ട്രോണിക്‌സ്, ഹോം അപ്ലയൻസസ് മേഖലയിലെ മുൻനിരയിലുള്ളതുമായ ടിസിഎൽ ഇലക്ട്രോണിക്‌സ് (1070.എച്ച്കെ) അതിന്റെ പുതിയ സി സീരീസ് ടിവി ലൈനപ്പും ഗൃഹോപകരണങ്ങളും മിഡിൽ

ഈസ്റ്റ് & ആഫ്രിക്ക (എംഇഎ) വിപണിയിൽ അവതരിപ്പിക്കുന്നതായി അധികൃതർ പ്രഖ്യാപിച്ചു. 160ലധികം രാജ്യങ്ങളിലും മേഖലകളിലും സാന്നിധ്യമുള്ള സാങ്കേതിക ബ്രാൻഡ് എന്ന നിലയിൽ, ആഗോള തലത്തിൽ ഏകദേശം 300 ദശലക്ഷം ഉപയോക്താക്കൾക്ക് ടിസിഎൽ ഉൽപന്നങ്ങൾ നൽകുന്നു.

ടിസിഎൽ ടിവിയുടെ വിപണി വിഹിതം 2021ൽ 24.6 ദശലക്ഷം യൂണിറ്റ് എൽസിഡി ടിവി ഷിപ്പ്‌മെന്റും ആൻഡ്രോയ്ഡ് ഒഎസ് സ്മാർട്ട് ടിവി ബ്രാൻഡുമായി 11.5 ശതമാനം വർധിച്ചിരിക്കുന്നു. ഒംഡിയ ടിവി ഡിസൈനും ഫീച്ചർ ട്രാക്കറും സജ്ജമാക്കുന്ന ഒഡിയ ട്രാക്കർ പ്രകാരം യഥാക്രമം 53.8 ശതമാനവും 50.5 ശതമാനവും വർഷം തോറും വർധിച്ചുകൊണ്ട് ക്യുഎൽഇഡി ടിവികളും മിനി എൽഇഡി ടിവികളും ഉപയോഗിച്ച് 2022ലെ ആദ്യ മൂന്നു മാസങ്ങൾക്കിടെ നമ്പർ 1 ആൻഡ്രോയ്ഡ് ഒഎസ് സ്മാർട്ട് ടിവി ബ്രാൻഡായി മിഡ്-ടു-ഹൈ-എൻഡ് സ്മാർട്ട് സ്‌ക്രീൻ വിൽപ്പനയിലും ടിസിഎൽ ഗണ്യമായ വളർച്ച കൈവരിച്ചു.

"മിഡിൽ ഈസ്റ്റിലെയും ആഫ്രിക്കയിലെയും ഉപയോക്താക്കൾക്ക് പ്രീമിയം ഹോം തിയറ്റർ അനുഭവം വാഗ്ദാനം ചെയ്യുന്ന ടിസിഎല്ലിന്റെ ഏറ്റവും പുതിയ തലമുറ മിനി എൽഇഡി, ക്യുഎൽഇഡി സി സീരീസ് ടിവികൾ അവതരിപ്പിക്കാനാകുന്നതിൽ ഞങ്ങൾ അഭിമാനിക്കുന്നു" -ടിസിഎൽ മിഡിൽ ഈസ്റ്റ് & ആഫ്രിക്ക ജനറൽ മാനേജർ സണ്ണി യാങ് പറഞ്ഞു. അസാധാരണവും മികവുറ്റതുമായ ഓഡിയോ, വിഷ്വൽ അനുഭവങ്ങൾ വാഗ്ദാനം ചെയ്യുന്ന നൂതന സാങ്കേതികവിദ്യകൾ ഉപയോഗിച്ചാണ് ടിസിഎൽ ഏറ്റവും പുതിയ ടിവി സെറ്റുകൾ നിർമ്മിച്ചിരിക്കുന്നത്'.

ആർട്ടിഫിഷ്യൽ ഇന്റലിജൻസ് (എഐ), ഇന്റർനെറ്റ് ഓഫ് തിംഗ്സ് (ഐഒടി) തുടങ്ങിയ സാങ്കേതിക വിദ്യകൾ ഉപയോഗിച്ച് നവ ശ്രേണിയിലുള്ള ഗൃഹോപകരണങ്ങളും എയർ കണ്ടീഷണറുകളും ദൈനംദിന ജീവിതത്തെ പ്രചോദിപ്പിക്കുന്നുവെന്നും അവർ കൂട്ടിച്ചേർത്തു.

ടിസിഎലിന്റെ മിനി എൽഇഡി 4കെ ടിവി സി935, സി835 എന്നിവ ലോക്കൽ ഡിമ്മിംഗ് സോണുകളുടെ' എണ്ണം 1920 വരെ വർധിപ്പിച്ചു കൊണ്ട് ശക്തമായ ഇമേജറിയുടെ തലം ഉയർത്തുന്നു. കൂടാതെ, ശ്രദ്ധേയമായ ദൃശ്യ തീവ്രത കൈവരിക്കാനും ക്യുഎൽഇഡി സാങ്കേതിക വിദ്യയിൽ പ്രവർത്തിക്കുന്ന ഒരു ബില്യണിലധികം നിറങ്ങൾ കാണിക്കുന്നതിനും ശേഷിയുണ്ട്. സി സീരീസിലേക്കുള്ള പുതിയ കൂട്ടിച്ചേർക്കലുകൾ സാധ്യമായ ഏറ്റവും മികച്ച കൺസോൾ ഗെയിമിംഗ് അനുഭവത്തിനായി ഒപ്റ്റിമൈസ് ചെയ്തിട്ടുണ്ട്.

ഗൂഗിൾ ടിവിയ്‌ക്കൊപ്പം സമഗ്രമായ വിനോദ അനുഭവവും അസാധാരണമായ വീഡിയോ ഗെയിമിംഗ് പ്രകടനവും നൽകുന്നതിനാണ് മികച്ച ക്യുഎൽഇഡി 4കെ വിനോദ കേന്ദ്രമെന്ന നിലയിൽ സി735യും സി635യും രൂപകൽപ്പന ചെയ്‌തിരിക്കുന്നത്. ആ ലൈനപ്പ് ടിവികൾ യുഎഇയിലും മിഡിൽ ഈസ്റ്റിലെയും ആഫ്രിക്കയിലെയും മറ്റ് രാജ്യങ്ങളിലും ഉടൻ ലഭ്യമാകും.

ഫ്രഷ് എൻ എയർകണ്ടീഷണർ, സിഇഎസ് 2022 ഇന്നൊവേഷൻ അവാർഡ് നേടിയ സ്വീവ സീരീസ് റോബോട്ട് വാക്വം ക്ലീനർ, ബ്രീവ സീരീസ് എയർ പ്യൂരിഫയറുകൾ, പി2 സീരീസ് ഓട്ടോ-ഡോസ് വാഷിംഗ് മെഷീനുകൾ, ടിസിഎൽ ഹോം ആപ്പ് വഴി വിദൂരമായും ബുദ്ധിപരമായും നിയന്ത്രിക്കാൻ കഴിയുന്ന ചെറിയ വീട്ടുപകരണങ്ങളായ ഇന്റലിജന്റ് ഇന്റർനെറ്റ് ഓഫ് തിംഗ്‌സിന്റെ ഏറ്റവും പുതിയ ശ്രേണി തുടങ്ങിയ ഏറ്റവും ആധുനിക ഗൃഹോപകരണങ്ങളും ടിസിഎൽ ദുബായ് ഗ്രാൻസ് ഹയാത്ത് ഹോട്ടലിൽ നടന്ന വാർത്താസമ്മേളനത്തിൽ പ്രഖ്യാപിച്ചു.

“2021-ൽ എം‌ഇ‌എയിൽ ടി‌സി‌എൽ അതിന്റെ സാന്നിധ്യം ഗണ്യമായി വിപുലീകരിച്ചു. സൗദി അറേബ്യയിൽ ഞങ്ങളുടെ മൂന്നാം സ്ഥാനം ഉറപ്പിക്കുകയും ഭൂരിഭാഗം എം‌ഇ‌എ വിപണികളിലും ഗണ്യമായ വിപണി വിഹിതം നേടുകയും ചെയ്തു. ഞങ്ങൾ നിലവിൽ യുഎഇയിലെ ആദ്യ അഞ്ച് സ്ഥാനങ്ങളിൽ ഇടം നേടിയിട്ടുണ്ട്, ഭാവിയിൽ കൂടുതൽ വളർച്ച പ്രതീക്ഷിക്കുന്നു" -ടിസിഎൽ എംഇഎയുടെ സീനിയർ മാർക്കറ്റിംഗ് മാനേജർ മുഹമ്മദ് മിൻഹാജുദ്ദീൻ പറഞ്ഞു.