കുവൈത്തിൽ താപനില ഉയരും, പൊടിക്കാറ്റിന് സാധ്യത

താപനില ഉയരുമെന്നും പൊടി നിറഞ്ഞ കാറ്റ് വീശാനും സാധ്യതയുണ്ടെന്ന് അൽ അജൈരി സയന്‍റിഫിക് സെന്‍റർ അറിയിച്ചു. 

കുവൈത്ത് സിറ്റി: കുവൈത്തില്‍ അൽ തുരയ്യ സീസൺ ജൂൺ ഏഴിന് ആരംഭിച്ചതായി അൽ അജൈരി സയന്‍റിഫിക് സെന്‍റർ അറിയിച്ചു. പ്ലീയാഡസ് നക്ഷത്രസമൂഹം ദൃശ്യമാകുന്നതുമായി ബന്ധപ്പെട്ടാണ് ഈ പുതിയ സീസൺ ആരംഭിക്കുന്നത്. ഇത് 13 ദിവസം നീണ്ടുനിൽക്കും.

ഈ കാലയളവിൽ താപനില ഉയരുമെന്നും പൊടി നിറഞ്ഞ കാറ്റ് വീശാൻ തുടങ്ങുമെന്നും കേന്ദ്രം അറിയിച്ചു. പ്ലീയാഡസ് കിഴക്ക് ഉദിക്കുകയും ഈ മാസം 19 വരെ നക്ഷത്രം ആകാശത്തിൽ അതിന്‍റെ സഞ്ചാരം തുടരുമെന്നും അദ്ദേഹം പറഞ്ഞു. പിന്നീട് ഇത് ദീർഘകാലം ദൃശ്യമാകും. വേനൽക്കാലത്തിന്‍റെ ആദ്യ സീസണായാണ് ഇത് കണക്കാക്കപ്പെടുന്നത്.