ഇത്തിഹാദ് റെയിൽ നിർമ്മാണം, ഷാർജയിലെ റോഡിൽ ഗതാഗത നിയന്ത്രണം

ഈ വഴി പോകുന്ന വാഹനങ്ങളെ കിഴക്കന്‍ മലീഹ റോ​ഡി​ലേ​ക്ക്​ പോ​കു​ന്ന അ​ൽ സി​യൂ​ദ്​ സ​ബ​ർ​ബ്​ ട​ണ​ലി​ലൂ​ടെ തി​രി​ച്ചു​വി​ടും.

അബുദാബി: ഇത്തിഹാദ് റെയിലിന്‍റെ നിര്‍മ്മാണവുമായി ബന്ധപ്പെട്ട് ഷാർജയിലെ റോഡില്‍ ഗതാഗത നിയന്ത്രണം. ഊര്‍ജ, അടിസ്ഥാന സൗകര്യ വികസന മന്ത്രാലയമാണ് ഗതാഗത നിയന്ത്രണം പ്രഖ്യാപിച്ചത്. യൂ​നി​വേ​ഴ്​​സി​റ്റി റോ​ഡ്, ഷാ​ർ​ജ​യി​ലേ​ക്കു​ള്ള അ​ൽ ബാ​ദി പാ​ല​ത്തി​ലെ ഡി​സ്​​ട്രി​ബ്യൂ​ട്ട​ർ റോ​ഡ്​ എ​ന്നി​വി​ട​ങ്ങ​ളി​ലാ​ണ്​ ശ​നി​യാ​ഴ്ച​ രാ​ത്രി 12 മു​ത​ൽ തി​ങ്ക​ളാ​ഴ്ച​ രാ​വി​ലെ 11വ​രെയാണ് ഗ​താ​ഗ​തം​ നി​യ​ന്ത്രിക്കുന്നത്.

ഇതുവഴി വരുന്ന വാഹനങ്ങളെ കിഴക്കന്‍ മലീഹ റോ​ഡി​ലേ​ക്ക്​ പോ​കു​ന്ന അ​ൽ സി​യൂ​ദ്​ സ​ബ​ർ​ബ്​ ട​ണ​ലി​ലൂ​ടെ തി​രി​ച്ചു​വി​ടും. അതിനാല്‍ ​ഗ​താ​ഗ​ത ത​ട​സ്സം കാര്യമായി അ​നു​ഭ​വ​പ്പെ​ടി​ല്ലെ​ന്ന്​ അ​ധി​കൃ​ത​ർ വ്യക്തമാക്കി.

ഇത്തിഹാദ് പാസഞ്ചര്‍ ട്രെയിന്‍ സര്‍വീസ് 2026ൽ ആ​രം​ഭി​ക്കുമെന്നാണ് പ്രതീക്ഷിക്കുന്നത്. റെ​യി​ൽ, സ്​​റ്റേ​ഷ​ൻ നി​ർ​മാ​ണ​പ്രവര്‍ത്തനങ്ങള്‍ പു​രോ​ഗ​മി​ക്കു​ക​യാ​ണ്. നി​ല​വി​ൽ ര​ണ്ട്​ സ്​​റ്റേ​ഷ​നു​ക​ൾ അ​ടു​ത്ത വ​ർ​ഷം പ്ര​വ​ർ​ത്ത​നം തു​ട​ങ്ങു​മെ​ന്ന്​ സ്ഥി​രീ​ക​രി​ച്ചി​ട്ടു​ണ്ട്. എ​ല്ലാ എ​മി​റേ​റ്റു​ക​ളു​മാ​യും ബ​ന്ധി​പ്പി​ക്കു​ന്ന റെ​യി​ൽ പ​ദ്ധ​തി അ​ടു​ത്ത ഘ​ട്ട​ത്തി​ൽ മ​റ്റ്​ ഗ​ൾ​ഫ്​ രാ​ജ്യ​ങ്ങ​ളി​ലേ​ക്കും വ്യാ​പി​പ്പി​ക്കാ​നാ​ണ്​ ആ​ലോ​ച​ന.