വീടിന് തീപിടിച്ച് സ്ത്രീയും രണ്ട് കുട്ടികളും മരിച്ച സംഭവത്തില്‍ മൂന്ന് പേരെ അറസ്റ്റ് ചെയ്തു

സംഭവത്തില്‍ പൊലീസ് തുടങ്ങിയ അന്വേഷണം ഇപ്പോഴും പുരോഗമിക്കുകയാണ്. ഇതിനിടെയാണ് മൂന്ന് പേരെ അറസ്റ്റ് ചെയ്തതായി ഞായറാഴ്ച പൊലീസ് അറിയിച്ചത്.

മസ്കത്ത്: ഒമാനില്‍ വീടിന് തീപിടിച്ച് സ്ത്രീയും രണ്ട് കുട്ടികളും മരിച്ച സംഭവവുമായി ബന്ധപ്പെട്ട് മൂന്ന് പേരെ അറസ്റ്റ് ചെയ്തതായി റോയല്‍ ഒമാന്‍ പൊലീസ് അറിയിച്ചു. കഴിഞ്ഞ വ്യാഴാഴ്ചയാണ് ബഹ്‍ല വിലായത്തില്‍ വീടിന് തീപിടിച്ചത്. സ്ഥലത്തെത്തിയ രക്ഷാപ്രവര്‍ത്തകര്‍ ഒരു സ്ത്രീയുടെയും രണ്ട് കുട്ടികളുടെയും മൃതദേഹങ്ങള്‍ കണ്ടെത്തിയിരുന്നു.

സംഭവത്തില്‍ പൊലീസ് തുടങ്ങിയ അന്വേഷണം ഇപ്പോഴും പുരോഗമിക്കുകയാണ്. ഇതിനിടെയാണ് മൂന്ന് പേരെ അറസ്റ്റ് ചെയ്തതായി ഞായറാഴ്ച പൊലീസ് അറിയിച്ചത്. സ്ത്രീയുടെയും കുട്ടികളുടെയും മരണവുമായി ബന്ധപ്പെട്ട സാഹചര്യങ്ങള്‍ പൊലീസ് പരിശോധിച്ചുവെന്നും സംശയമുള്ള മൂന്ന് പേരെ അറസ്റ്റ് ചെയ്ത് നിയമനടപടികള്‍ സ്വീകരിച്ചുവരുന്നതായുമാണ് പൊലീസ് പുറത്തിറക്കിയ പ്രസ്താവനയില്‍ പറയുന്നത്.