ഇനി ഉല്ലാസത്തിന്റെ ദിനങ്ങൾ, ഖത്തറിൽ ടോയ് ഫെസ്റ്റിവലിന് നാളെ തുടക്കം

ദോ​ഹ എ​ക്സി​ബി​ഷ​ൻ ആ​ൻ​ഡ് ക​ൺ​വെ​ൻ​ഷ​ൻ സെ​ന്റ​റി​ൽ ജൂലൈ ആറ് മുതൽ ആഗസ്റ്റ് നാല് വരെയാണ് ഫെസ്റ്റിവൽ 

ദോഹ: വേനൽ ചൂടിൽ നിന്ന് കുട്ടികൾക്ക് ആശ്വാസവും ഉല്ലാസവും പകരാൻ ഖത്തർ ടൂറിസം ഒരുക്കുന്ന ടോയ് ഫെസ്റ്റിവലിന് നാളെ തുടക്കമാകും. ദോഹ എക്‌സിബിഷൻ ആൻഡ് കൺവെൻഷൻ സെന്ററിൽ (ഡിഇസിസി) നടക്കുന്ന ഫെസ്റ്റിവൽ ആഗസ്റ്റ് നാല് വരെ തുടരും. പുറത്തെ കനത്ത ചൂടിൽ നിന്നുള്ള ആശ്വാസം എന്ന നിലയിൽ കു​ട്ടി​ക​ൾ​ക്കും കു​ടും​ബ​ങ്ങ​ൾ​ക്കും വി​വി​ധ വി​നോ​ദ പ​രി​പാ​ടി​ക​ളും ക​ളി​ക​ളു​മാ​യെത്തുന്ന ടോയ് ഫെസ്റ്റിവലിന്റെ മൂന്നാമത് പതിപ്പിനാണ് ജൂലൈ ആറിന് തുടക്കമാകുന്നത്. വിസിറ്റ് ഖത്തറാണ് ടോയ് ഫെസ്റ്റിവൽ സംഘടിപ്പിക്കുന്നത്. ടെ​ലി​കോം ക​മ്പ​നി​യാ​യ ഉ​​രീ​ദു അ​ണ് പ​രി​പാ​ടി​യു​ടെ പ്ര​ധാ​ന പാ​ർ​ട്ണ​ർ.

ഇൻഡോർ പരിപാടികൾക്ക് വലിയ പ്രാധാന്യം നൽകുന്ന ഫെസ്റ്റിവലിൽ കു​ട്ടി​ക​ൾ​ക്കും കൗ​മാ​ര​ക്കാ​ർ​ക്കു​മാ​യുള്ള ലൈ​വ് ഷോ​ക​ൾ, ഇ​മ്മേ​ഴ്സി​വ് ആ​ക്റ്റി​വേ​ഷ​ൻ​സ്, സ​മ്മ​ർ ക്യാ​മ്പ് തുടങ്ങിയവ പ്രധാന ആകർഷണങ്ങളാണ്. 17,000 ചതുരശ്ര മീറ്റർ വിസ്തീർണത്തിലുള്ള ഫെസ്റ്റിവൽ വേദിയിൽ അഞ്ച് സോണുകളായാണ് പരിപാടികൾ ക്രമീകരിച്ചിരിക്കുന്നത്. പ്രധാന വേദിയിൽ ദിവസേന പത്തിലധികം സ്റ്റേജ് ഷോകൾ അരങ്ങേറും.

സം​ഗീ​ത പ​രി​പാ​ടി​ക​ൾ, ശാ​സ്ത്ര പ്ര​ദ​ർ​ശ​ന​ങ്ങ​ൾ, നൃ​ത്ത പ​രി​പാ​ടി​ക​ൾ, വി​വി​ധ മ​ത്സ​ര​ങ്ങ​ൾ എ​ന്നി​വ ഒ​രു​ക്കി​യി​ട്ടു​ണ്ട്. വിനോദത്തിനൊപ്പം വിജ്ഞാനവും പകരുന്ന വിവിധ പരിപാടികളും ഫെസ്റ്റിവലിന്റെ ഭാഗമാണ്. ഹൊറർ ഹൗസ്, പബ്ജി, ബാറ്റിൽ ഗ്രൗണ്ട്, ഷെർലക് ഹോംസ് എസ്‌കേപ്പ് റൂം എന്നിവ കുട്ടികൾക്ക് നവ്യമായ അനുഭവങ്ങൾ സമ്മാനിക്കും. ഫെ​സ്റ്റി​വ​ലി​ന്റെ ഭാ​ഗ​മാ​യി 10 റീ​ട്ടെ​യി​ൽ ഔ​ട്ട്‌​ലെ​റ്റു​ക​ളും ഫു​ഡ് കോ​ർ​ട്ടും ഒ​രു​ക്കി​യി​ട്ടു​ണ്ട്. മുൻ പതിപ്പുകളേക്കാൾ മികച്ച അനുഭവമായിരിക്കും മൂ​ന്നാ​മ​ത് ടോ​യ് ഫെ​സ്റ്റി​വ​ൽ ഖ​ത്ത​റി​ന് സ​മ്മാ​നി​ക്കു​ക.