ഇറാനില് ഭൂചലനം; യുഎഇ ഉള്പ്പെടെയുള്ള ഗള്ഫ് രാജ്യങ്ങളിലും പ്രകമ്പനം അനുഭവപ്പെട്ടു
Synopsis
ബഹ്റൈന്, സൗദി അറേബ്യ, ഖത്തര് എന്നീ രാജ്യങ്ങളില് ഭൂചലനം അനുഭവപ്പെട്ടുവെന്ന് അമേരിക്കന് ജിയോളജിക്കല് ഏജന്സി അറിയിച്ചു.
അബുദാബി: ദക്ഷിണ ഇറാനില് കഴിഞ്ഞ ദിവസമുണ്ടായ ഭൂചലനം നേരിയ തോതില് യുഎഇ ഉള്പ്പെടെയുള്ള ഗള്ഫ് രാജ്യങ്ങളില് അനുഭവപ്പെട്ടതായി റിപ്പോര്ട്ടുകള്. ബഹ്റൈന്, സൗദി അറേബ്യ, ഖത്തര് എന്നീ രാജ്യങ്ങളില് ഭൂചലനം അനുഭവപ്പെട്ടുവെന്ന് അമേരിക്കന് ജിയോളജിക്കല് ഏജന്സി അറിയിച്ചു. യുഎഇയുടെ വിവിധ ഭാഗങ്ങളില് പ്രകമ്പനം അനുഭവപ്പെട്ടതായി ആളുകള് സാമൂഹിക മാധ്യമങ്ങളില് കുറിച്ചു. ഭൂചലനം ഉണ്ടായത് യുഎഇയിലെ ദേശീയ കാലാവസ്ഥാ നിരീക്ഷണ കേന്ദ്രവും സ്ഥിരീകരിച്ചു.
യുഎഇയിലെ പ്രാദേശിക സമയം വൈകുന്നേരം 5.59നായിരുന്നു ഭൂചലനം. റിക്ടര് സ്കെയിലില് 5.3 ആണ് തീവ്രത രേഖപ്പെടുത്തിയത്. ദക്ഷിണ ഇറാനിലെ ഇറാനിലെ ബന്ദര് - ഇ- ലേങിന് സമീപം ആയിരുന്നു പ്രഭവ കേന്ദ്രം. ഭൗമ ഉപരിതലത്തില് നിന്ന് 10 കിലോമീറ്റര് ആഴത്തിലായിരുന്നു ചലനം. യുഎഇയില് ഷാര്ജ ഉള്പ്പെടെയുള്ള സ്ഥലങ്ങളില് നിന്ന് ആളുകള് പ്രകമ്പനം അനുഭവപ്പെട്ടതായി സോഷ്യല് മീഡിയ വഴി അറിയിച്ചു. അതേസമയം യുഎഇയില് എവിടെയും നാശനഷ്ടങ്ങള് റിപ്പോര്ട്ട് ചെയ്യപ്പെട്ടിട്ടില്ലെന്ന് ഔദ്യോഗിക അറിയിപ്പ് വ്യക്തമാക്കി. ഇറാനിലും മറ്റ് ഗള്ഫ് രാജ്യങ്ങളിലും ഈ വര്ഷം നേരത്തെ പലതവണ ചെറിയ ഭൂചലനങ്ങള് റിപ്പോര്ട്ട് ചെയ്യപ്പെട്ടിരുന്നു.
Read also: കുവൈത്തില് പ്രവാസികള് ഉള്പ്പെടെ ഏഴ് പേരുടെ വധശിക്ഷ നടപ്പാക്കി
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam