സെക്കന്ഡിൽ 62 ജിബി സ്പീഡ്; ലോകത്തിലെ ഏറ്റവും വേഗതയേറിയ 5ജി അഡ്വാൻസ്ഡ് ഇന്റര്നെറ്റ് സേവനം യുഎഇയില് വരുന്നു
Synopsis
സെക്കന്ഡിൽ 62 ജിബിയെന്ന റെക്കോര്ഡ് വേഗതയിലാണ് ഇന്റര്നെറ്റ് സേവനം ലഭിക്കുക.
ദുബൈ: ലോകത്തിലെ ഏറ്റവും വേഗതയേറിയ 5ജി അഡ്വാൻസ്ഡ് നെറ്റ്വർക്ക് പ്രഖ്യാപിച്ച് യുഎഇ. ജൈടെക്സ് ഗ്ലോബര് 2024ന് മുന്നോടിയായാണ് ഇആന്ഡ് (ഇത്തിസലാത്ത്&) ഗ്രൂപ്പിന്റെ ടെലികമ്മ്യൂണിക്കേഷന് വിഭാഗമായ ഇ ആന്ഡ് യുഎഇ, 62 ജിബിപിഎസ് വേഗതയുള്ള 5ജി അഡ്വാൻസ്ഡ് നെറ്റ്വർക്ക് പ്രഖ്യാപിച്ചത്.
ഈ നേട്ടം 10 ജിഗാ നേഷന് ലക്ഷ്യത്തിന്റെ ഭാഗമാണെന്ന് ചീഫ് ടെക്നോളജി ഓഫീസർ ഖാലിദ് മുർഷെദ് പറഞ്ഞു. എഐ പിന്തുണയോടെ ഉപഭോക്താക്കൾക്ക് വ്യക്തിഗത അനുഭവം മെച്ചപ്പെടുത്തുകയാണ് എന്നും അദ്ദേഹം വ്യക്തമാക്കി. എംയു-എംഐഎംഒ (മള്ട്ടി-യൂസര്, മള്ട്ടിപ്പിള് ഇന്പുട്ട്, മള്ട്ടിപ്പിള് ഔട്ട്പുട്ട്) പോലുള്ള അത്യാധുനിക ഹാര്ഡ്വെയറുകളും അല്ഗോരിതങ്ങളും ഉപയോഗിച്ച്, ഹൈ ബാന്ഡിലും ലോ ബാന്ഡിലുമുള്ള ഒന്നിലധികം കാരിയറുകളെ സമന്വയിപ്പിച്ചാണ് സെക്കൻഡില് 62 ജിബിയെന്ന പുതിയ റെക്കോര്ഡ് വേഗത കൈവരിച്ചതെന്ന് ഇ& യുഎഇ അറിയിച്ചു. ഇതോടെ ആഗോള തലത്തില് തന്നെ ഏറ്റവും ഉയര്ന്ന വേഗതയിലുള്ള ഇന്റര്നെറ്റ് സേവനം ലഭിക്കുന്നവരായി യുഎഇ നിവാസികള് മാറും.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam