യുഎഇയില് 1,500 പേര്ക്ക് കൂടി കൊവിഡ്; ഇന്ന് പുതിയ മരണങ്ങളില്ല
Synopsis
രാജ്യത്ത് ചികിത്സയിലായിരുന്ന 1,541 കൊവിഡ് രോഗികള് കഴിഞ്ഞ 24 മണിക്കൂറിനിടെ രോഗമുക്തരായി. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് രാജ്യത്ത് പുതിയ മരണങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ല.
അബുദാബി: യുഎഇയില് പുതിയ കൊവിഡ് കേസുകളുടെ എണ്ണം കഴിഞ്ഞ ഏതാനും ദിവസങ്ങളായി ചെറിയ തോതില് കുറഞ്ഞുവരികയാണ്. രാജ്യത്തെ ആരോഗ്യ - പ്രതിരോധ മന്ത്രാലയം പുറത്തുവിട്ട ഔദ്യോഗിക കണക്കുകള് പ്രകാരം ഇന്ന് രാജ്യത്ത് 1,500 പേര്ക്കാണ് കൊവിഡ് വൈറസ് ബാധ സ്ഥിരീകരിച്ചത്.
രാജ്യത്ത് ചികിത്സയിലായിരുന്ന 1,541 കൊവിഡ് രോഗികള് കഴിഞ്ഞ 24 മണിക്കൂറിനിടെ രോഗമുക്തരായി. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് രാജ്യത്ത് പുതിയ മരണങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ല. പുതിയതായി നടത്തിയ 2,41,098 കൊവിഡ് പരിശോധനകളില് നിന്നാണ് രാജ്യത്തെ പുതിയ രോഗികളെ കണ്ടെത്തിയത്.
ഇതുവരെയുള്ള കണക്കുകള് പ്രകാരം ആകെ 9,69,097 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 9,49,218 പേര് ഇതിനോടകം തന്നെ രോഗമുക്തരായി. 2,325 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില് 17,554 കൊവിഡ് രോഗികളാണ് രാജ്യത്തുള്ളത്.
Read more: പ്രവാസികള്ക്ക് കുടുംബാംഗങ്ങളെ കൊണ്ടുവരാനുള്ള നടപടികള് എന്തൊക്കെ? എത്ര ചെലവ് വരും?
ഒമാനില് വാദി മുറിച്ചുകടന്ന രണ്ടുപേര് അറസ്റ്റില്
മസ്കറ്റ്: ഒമാനില് വാദി മുറിച്ചു കടന്ന രണ്ടുപേര് അറസ്റ്റില്. സോഹാര് വിലായത്തിലെ വാദി അഹിന് മുറിച്ചു കടന്ന രണ്ട് പൗരന്മാരെയാണ് റോയല് ഒമാന് പൊലീസ് അറസ്റ്റ് ചെയ്തത്. അപകടങ്ങളൊഴിവാക്കാന് വാദികള് മുറിച്ചു കടക്കരുതെന്ന് അധികൃതര് നേരത്തെ മുന്നറിയിപ്പ് നല്കിയിരുന്നു. പിടിയിലായവരെ നിയമനടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
കുവൈത്തില് പരിശോധന തുടരുന്നു; താമസ നിയമലംഘകരായ 26 പ്രവാസികള് അറസ്റ്റില്
കുവൈത്ത് സിറ്റി: കുവൈത്തില് നിയമലംഘകരെ പിടികൂടാനുള്ള പരിശോധന തുടരുന്നു. ജനറല് അഡ്മിനിസ്ട്രേഷന് ഓഫ് റെസിഡന്സി അഫയേഴ്സ് നടത്തിയ പരിശോധനയില് 26 നിയമലംഘകര് അറസ്റ്റിലായി.
ഫര്വാനിയ ഗവര്ണറേറ്റില് നടത്തിയ പരിശോധനയിലാണ് റെസിഡന്സി, തൊഴില് നിയമലംഘകരായ 26 പേരെ അറസ്റ്റ് ചെയ്തത്. സ്പോണ്സര്മാരുടെ അടുത്ത് നിന്ന് ഒളിച്ചോടിയ 15 പേര്, കാലാവധി കഴിഞ്ഞ റെസിഡന്സ് ഉള്ള 9 പേര്, തിരിച്ചറിയല് രേഖകളില്ലാത്ത രണ്ടുപേര് എന്നിവര് അറസ്റ്റിലായവരില്പ്പെടും. പിടിയിലായവര്ക്കെതിരെ നിയമനടപടികള് സ്വീകരിക്കുന്നതിനായി ബന്ധപ്പെട്ട വകുപ്പുകള്ക്ക് കൈമാറി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ