പുതിയതായി നടത്തിയ 291,977 പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ആകെ 9.75 കോടി പരിശോധനകളാണ് രാജ്യത്ത് നടത്തിയിട്ടുള്ളത്.
അബുദാബി: യുഎഇയില് (United Arab Emirates) ഇന്ന് 66 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ പ്രതിരോധ മന്ത്രാലയം (Ministry of Health and Prevention) അറിയിച്ചു. ചികിത്സയിലായിരുന്ന 83 പേരാണ് ഇന്ന് രോഗമുക്തരായത്. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് മരണങ്ങളൊന്നും റിപ്പോര്ട്ട് ചെയ്തിട്ടില്ല.
പുതിയതായി നടത്തിയ 291,977 പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ആകെ 9.75 കോടി പരിശോധനകളാണ് രാജ്യത്ത് നടത്തിയിട്ടുള്ളത്. ഇതുവരെയുള്ള കണക്കുകള് പ്രകാരം ആകെ 741,214 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 735,899 പേര് ഇതിനോടകം തന്നെ രോഗമുക്തരായി. 2,144 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില് രാജ്യത്ത് 3,171 കൊവിഡ് രോഗികളാണ് ചികിത്സയിലുള്ളത്.
യുഎഇയിലെ പുതിയ തൊഴില് നിയമം; പ്രവാസികള്ക്ക് ശമ്പളത്തോടെയുള്ള അവധി ദിനങ്ങള് ഇങ്ങനെ
അബുദാബി: യുഎഇയില് നവംബര് 15നാണ് സ്വകാര്യ മേഖലയ്ക്ക് ബാധകമായ പുതിയ തൊഴില് നിയമം പ്രസിഡന്റ് ശൈഖ് ഖലീഫ ബിന് സായിദ് അല് നഹ്യാന് പ്രഖ്യാപിച്ചത്. രാജ്യത്തെ സ്വകാര്യ മേഖലയിലെ വിവിധ തൊഴില് പരിഷ്കാരങ്ങള് പുതിയ നിയമത്തില് പ്രതിപാദിപ്പിക്കുന്നുണ്ട്. ഇതനുസരിച്ച് തൊഴിലാളികളുടെ അവകാശങ്ങള് സംരക്ഷിക്കുന്ന പുതിയ ചട്ടങ്ങള് മാനവ വിഭവശേഷി സ്വദേശി വത്കരണ മന്ത്രാലയം പ്രഖ്യാപിച്ചു.
2022 ഫെബ്രുവരി രണ്ട് മുതലാണ് പുതിയ തൊഴില് നിയമം യുഎഇയില് പ്രാബല്യത്തില് വരുന്നത്. ഇതനുസരിച്ച് സ്വകാര്യ മേഖലയിലെ ജീവനക്കാര്ക്ക് ശമ്പളത്തോടെ ലഭിക്കുന്ന ചില അവധികള് ഇവയാണ്.