യൂണിയൻ കോപ് 14% ഡിവിഡൻഡും 5% പർച്ചേസ് റിട്ടേണും അം​ഗീകരിച്ചു

മൊത്തം 244.38 മില്യൺ ദിർഹമാണ് ഡിവിഡൻഡ്.

യൂണിയൻ കോപ് 14% ക്യാഷ് ഡിവിഡൻഡും ഓഹരി ഉടമകളുടെ പർച്ചേസുകൾക്ക് 5% റിട്ടേണും പ്രഖ്യാപിച്ചു.

ജനറൽ അസംബ്ലി മീറ്റിങ്ങിലാണ് പ്രഖ്യാപനം. 2025 വർഷത്തേക്കുള്ള ബോർഡ് ഓഫ് ഡയറക്ടേഴ്സ് റിപ്പോർട്ട് ഓഹരി ഉടമകൾ അം​ഗീകരിച്ചു. കൂടാതെ ഡിസംബർ 31-ന് അവസാനിച്ച സാമ്പത്തിക വർഷത്തെ സാമ്പത്തിക സ്റ്റേറ്റ്മെന്റുകളും ഓഡിറ്റും അം​ഗീകരിച്ചു.

മൊത്തം 244.38 മില്യൺ ദിർഹമാണ് ഡിവിഡൻഡ്. റിട്ടേൺ ഇനത്തിൽ 36.81 മില്യൺ ദിർഹവും നൽകി. സി.എസ്.ആർ പദ്ധതികൾക്കായി 6.14 ദിർഹവും അനുവദിച്ചു.

യൂണിയൻ കോപ് സുസ്ഥിര വളർച്ചയ്ക്കുള്ള പ്രവർത്തനങ്ങൾ നടന്ന വർഷമാണ് 2025 എന്ന് സി.ഇ.ഒ മുഹമ്മദ് അൽ ഹഷെമി പറഞ്ഞു.