കുംബ്ലെയ്ക്കും ഹര്ഭജനുമൊന്നും സ്വന്തമാക്കാന് കഴിയാതിരുന്ന ആ റെക്കോര്ഡും ഇനി അശ്വിന്റെ പേരില്
Synopsis
കൊളംബോ: അതിവേഗം 250 വിക്കറ്റ്, അതിവേഗം 250 വിക്കറ്റും 2000 റണ്സും തുടങ്ങിയ റെക്കോര്ഡുകള് നേരത്തെ സ്വന്തമാക്കിയ ആര് അശ്വിന് ശ്രീലങ്കയില് പുതിയൊരു റെക്കോര്ഡ് കൂടി. ലങ്കയില് ഏറ്റവും കൂടുതല് വിക്കറ്റ് വീഴ്ത്തുന്ന വിദേശ ബൗളര് എന്ന റെക്കോര്ഡാണ് അശ്വിന് സ്വന്തമാക്കിയത്. ലങ്കക്കെതിരായ മൂന്ന് ടെസ്റ്റ് പരമ്പരയില് 17 വിക്കറ്റുകളാണ് അശ്വിന് സ്വന്തമാക്കിയത്. അവസാന ടെസ്റ്റില് ആറെണ്ണവും സ്വന്തം പേരിലാക്കി. ഇതോടെ ലങ്കന് മണ്ണില് അശ്വിന് നേടിയ വിക്കറ്റുകളുടെ എണ്ണം 38 ആയി.
പാക്കിസ്ഥാന് സ്പിന്നര് സയ്യിദ് അജ്മലും റെക്കോര്ഡ് നേട്ടത്തില് അശ്വിനൊപ്പമുണ്ട്. ഇരുവര്ക്കും 38 വിക്കറ്റുകള് സ്വന്തം പേരിലുളളപ്പോള് 37 വിക്കറ്റുമായി ഓസ്ട്രേലിയന് സ്പിന് ഇതിഹാസം ഷെയ്ന് വോണ് രണ്ടാം സ്ഥാനത്താണ്. 30 വിക്കറ്റ് വീതം നേടിയിട്ടുള്ള പാക്കിസ്ഥാന് പേസ് ഇതിഹാസം വസീം അക്രം, ന്യൂസിലന്ഡിന്റെ ഡാനിയേല് വെറ്റോറി, ഇന്ത്യയുടെ അനില് കുംബ്ലെ എന്നിവരാണ് മൂന്നാം സ്ഥാനത്ത്.
പൊതുവെ സ്പിന്നര്മാര്ക്ക് അനുകൂലമായ പിച്ചുകളാണ് ലങ്കയില് ഉണ്ടാവുകയെങ്കിലും സന്ദര്ശക സ്പിന്നര്മാര്ക്ക് അവിടെ കാര്യമായി തിളങ്ങനായിട്ടില്ല. എന്നാല് ആ പതിവും ഇത്തവണ അശ്വിന് തിരുത്തിക്കുറിച്ചു. പരമ്പരയിലെ ആദ്യ ടെസ്റ്റില് കളിച്ചതോടെ കരിയറിലെ അമ്പതാം ടെസ്റ്റെന്ന നേട്ടംവും അശ്വിന് സ്വന്തമാക്കിയിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!