വിയ്യാറയലിനെ തുരത്തിയോടിച്ച് ബാഴ്‌സലോണ ലാലിഗയിൽ ഒന്നാം സ്ഥാനം തിരിച്ചുപിടിച്ചു

സെവിയ അലാവെസിനോട് സമനില വഴങ്ങിയതും ബാഴ്‌സലോണയ്ക്ക് തുണയായി. ആദ്യ പകുതിയിൽ ജോണി റോഡ്രിഗ്രസിൻറെ ഗോളിൽ മുന്നിലെത്തിയ അലാവെസിനെതിരെ 78 ആം മിനുട്ടിൽ വിസാം ബെൻ യെഡ്ഡർ നേടിയ ഗോളിൽ സെവിയ സമനില പിടിക്കുകയായിരുന്നു

മാഡ്രിഡ്: സ്പാനിഷ് ലീഗിൽ വിയ്യാറയലിനെ എതിരില്ലാത്ത രണ്ട് ഗോളിന് തോൽപ്പിച്ച് ബാഴ്‌സലോണ ലീഗിൽ ഒന്നാമത്. ബാഴ്‌സയ്ക്കായി 36 ാം മിനുട്ടിൽ ജെറാർഡും 87 ാം മിനുട്ടിൽ കാർലെസ അലേനയും ലക്ഷ്യം കണ്ടു. ജയത്തോടെ പതിനാല് മത്സരങ്ങളിൽ നിന്ന് ബാഴ്‌സയ്ക്ക് 28 പോയിന്റായി.

മറ്റൊരു മത്സരത്തിൽ സെവിയ അലാവെസിനോട് സമനില വഴങ്ങിയതും ബാഴ്‌സലോണയ്ക്ക് തുണയായി. ആദ്യ പകുതിയിൽ ജോണി റോഡ്രിഗ്രസിൻറെ ഗോളിൽ മുന്നിലെത്തിയ അലാവെസിനെതിരെ 78 ആം മിനുട്ടിൽ വിസാം ബെൻ യെഡ്ഡർ നേടിയ ഗോളിൽ സെവിയ സമനില പിടിക്കുകയായിരുന്നു.

സമനില വഴങ്ങിയതോടെ ലീഗിലെ ഒന്നാം സ്ഥാനം സെവിയക്ക് നഷ്ടമായി. പതിനാല് കളികളിൽ നിന്ന് 27 പോയിൻറുമായി ബാഴ്‌സലോണയക്ക് പിന്നിൽ രണ്ടാം സ്ഥാനത്താണ് ഇപ്പോൾ സെവിയ.