ബിസിസിഐ സ്വന്തമായി സ്റ്റേഡിയം നിര്മ്മിക്കുന്നു
Synopsis
മുംബൈ: ബി സി സി ഐ സ്വന്തമായി ക്രിക്കറ്റ് സ്റ്റേഡിയം നിര്മിക്കാനൊരുങ്ങുന്നു. പലകാരണങ്ങളാല് മത്സര വേദികള് അവാസന നിമിഷം മാറ്റേണ്ടി വരുന്ന പശ്ചാത്തലത്തിലാണ് ബി സി സി ഐയുടെ നീക്കം.
പ്രധാന മത്സരങ്ങളുടെ വേദികള് അവസാന നിമിഷം മാറ്റേണ്ടി വരുന്നതിലൂടെ ഉണ്ടാകുന്ന പ്രയാസങ്ങള് ഇല്ലാതാക്കാനാണ് ബി സി സി ഐ സ്വന്തം സ്റ്റേഡിയം നിര്മിക്കാന് ഒരുങ്ങുന്നത്. ബി സി സി ഐ പ്രസിഡന്റ് അനുരാഗ് താക്കറിന്റേതാണ് സ്വന്തം സ്റ്റേഡിയം എന്ന ആശയം. ഇതിനായി ആദ്യവട്ട ചര്ച്ചകള് ധര്മ്മശാലയില് നടന്ന ബോര്ഡിന്റെ പ്രവര്ത്തക സമിതി യോഗത്തില് പൂര്ത്തിയാക്കി. ദില്ലിയിലാണ് ബി സി സി ഐ സ്വന്തം സ്റ്റേഡിയം നിര്മിക്കുക. ട്വന്റി20 ലോകകപ്പില് സംസ്ഥാന സര്ക്കാര് സുരക്ഷ നല്കാത്തതിനാല് ധര്മ്മശാലയിലെ ഇന്ത്യ - പാകിസ്ഥാന് മത്സരം കൊല്ക്കത്തയിലേക്ക് മാറ്റിയിരുന്നു. ഇതിന് പിന്നാലെ മഹാരാഷ്ട്രയിലെ ഐ പി എല് മത്സരവേദികളും മാറ്റി. സ്വന്തം സ്റ്റേഡിയം നിര്മ്മിച്ചാല് ഇത്തരം പ്രതിസന്ധികള് ഉണ്ടാവില്ലെന്ന വിലയിരുത്തലിലാണ് ബി സി സി ഐ. രാജ്യാന്തര നിലവാരമുള്ള സ്റ്റേഡിയത്തിന്റെ നിര്മ്മാണവും നിയന്ത്രണവും ബിസിസിഐയുടെ പൂര്ണ നിയന്ത്രണത്തിലായിരിക്കും.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!