ഐ ലീഗില് മോഹന് ബഗാന്റെ അപരാജിത കുതിപ്പിന് അന്ത്യം കുറിച്ച് ചര്ച്ചില് ബ്രദേഴ്സ്
Synopsis
ലീഗില് അപരാജിത മുന്നേറ്റം നടത്തുന്ന ചര്ച്ചിൽ 5 കളിയിൽ 9 പോയിന്റുമായി രണ്ടാം സ്ഥാനത്താണ്. 5 കളിയിൽ 8 പോയിന്റുളള ബഗാന് നാലാം സ്ഥാനത്താണ്. വെള്ളിയാഴ്ച ഗോകുലം കേരളയ്ക്കെതിരെ കോഴിക്കോട്ടാണ് ചര്ച്ചിലിന്റെ അടുത്ത മത്സരം
കൊല്ക്കത്ത: ഐ ലീഗ് ഫുട്ബോളില് മോഹന് ബഗാന്റെ അപരാജിത കുതിപ്പിന് അന്ത്യം. ചര്ച്ചിൽ ബ്രദേഴ്സ് ആണ് മോഹന് ബഗാനെ തകര്ത്തത്. മറുപടിയില്ലാത്ത 3 ഗോളിനാണ് ചര്ച്ചിലിന്റെ ജയം. ഇരട്ടഗോളുമായി വില്ലിസ് പ്ലാസ വിജയശിൽപ്പിയായി. 51,55 മിനിറ്റുകളിലാണ് വില്ലിസ് പ്ലാസയുടെ ഗോളുകള്.. 21ആം മിനിറ്റില് നായകന് ഡൗഡ സീസെ ഗോള്വേട്ടയ്ക്ക് തുടക്കമിട്ടു.
ലീഗില് അപരാജിത മുന്നേറ്റം നടത്തുന്ന ചര്ച്ചിൽ 5 കളിയിൽ 9 പോയിന്റുമായി രണ്ടാം സ്ഥാനത്താണ്. 5 കളിയിൽ 8 പോയിന്റുളള ബഗാന് നാലാം സ്ഥാനത്താണ്. വെള്ളിയാഴ്ച ഗോകുലം കേരളയ്ക്കെതിരെ കോഴിക്കോട്ടാണ് ചര്ച്ചിലിന്റെ അടുത്ത മത്സരം. മോഹന് ബഗാന് അടുത്ത മത്സരത്തില് ചെന്നൈ സിറ്റിയെ നേരിടും.
അതേസമയം ഐ ലീഗിൽ അരങ്ങേറ്റക്കാരായ റിയൽ കശ്മീർ വിജയ വഴിയിൽ തിരിച്ചെത്തി. റിയൽ കശ്മീർ എതിരില്ലാത്ത രണ്ട് ഗോളിന് ഇന്ത്യൻ ആരോസിനെ തോൽപിച്ചു. ഇരുപത്തിയഞ്ചാം മിനിറ്റിൽ സുർചന്ദ്ര സിംഗും അറുപത്തിയെട്ടാം മിനിറ്റിൽ ബാസി അഹമ്മദുമാണ് കശ്മീരിന്റെ ഗോൾ നേടിയത്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!