അവര് രണ്ടുപേരും ചേര്ന്ന് ദക്ഷിണാഫ്രിക്കയെ മൃഗീയമായി കുത്തിക്കീറി: സെവാഗ്
Synopsis
സെഞ്ചൂറിയന്: ദക്ഷിണാഫ്രിക്കയ്ക്കെതിരായ ഏകദിന പരമ്പരയിലെ ഇന്ത്യയുടെ സമ്പൂര്ണ ആധിപത്യത്തെ പ്രകീര്ത്തിച്ച് ക്രിക്കറ്റ് ലോകം. ബോളിവുഡിലെ എക്കാലത്തെയും വലിയ സൂപ്പര് ഹിറ്റായ ഷോലെയിലെ ഡയലോഗ് കൊണ്ടാണ് വീരേന്ദര് സെവാഗ് ടീം ഇന്ത്യക്ക് അഭിനന്ദനം അറിയിച്ചത്. സ്പിന്നര്മാരായ കുല്ദീപ് യാദവും യുസ്വേന്ദ്ര ചാഹലും ചേര്ന്ന് ദക്ഷിണാഫ്രിക്കയെ മൃഗീയമായി കുത്തിക്കീറിയെന്നും സെവാഗ് ട്വിറ്ററില് കുറിച്ചു.
ആറ് മത്സരങ്ങളടങ്ങിയ ഏകദിന പരമ്പര 5-1നാണ് ഇന്ത്യ നേടിയത്. പരമ്പരയില് 33 ദക്ഷിണാഫ്രിക്കന് വിക്കറ്റുളാണ് ചാഹലും കുല്ദീും ചേര്ന്ന് എറിഞ്ഞിട്ടത്. ചാഹല് 16 വിക്കറ്റ് നേടിയപ്പോള് കുല്ദീപ് 17 വിക്കറ്റ് നേടി. പരമ്പരയിലെ ആദ്യ മത്സരം കളിച്ച ശര്ദ്ദൂല് താക്കൂര് നാലു വിക്കറ്റ് നേടിയിരുന്നു.
താന് സമീപകാലത്ത് കണ്ടതില് ഏറ്റവും മികച്ച ഏകദിന ഇന്നിംഗ്സായിരുന്നു കോലിയുടേതെന്ന് സഹതാരം സുരേഷ് റെയ്ന പറഞ്ഞു. ദക്ഷിണാഫ്രിക്കയില് ആദ്യമായി ഏകദിന പരമ്പര നേടിയ ടീം ഇന്ത്യയെ റെയ്ന അഭിനന്ദിച്ചു. ക്രിക്കറ്റിലെ എക്കാലത്തെയും മികച്ച ചേസര് വീണ്ടുമത് ചെയ്തു എന്നായിരുന്നു മുന് ഇംഗ്ലീഷ് നായകന് മൈക്കല് വോണിന്റെ കമന്റ്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!