കൊല്ക്കത്തയ്ക്കായി ലേലം വിളിച്ച ആ സുന്ദരി ആരാണ്.?
Synopsis
ബെംഗളൂരു: കൊല്ക്കത്ത നൈറ്റ് റൈഡേഴ്സ് ആരാധകര് ഇന്നലെ ആ പെണ്കുട്ടിയുടെ വിവരങ്ങള് തിരയുകയായിരുന്നു. കൊല്ക്കത്ത
ടീം മെന്റര് ജാക്ക് കാലിസിന്റെയും പരിശീലകന് സൈമണ് കാറ്റിച്ചിന്റെയും ഒപ്പമിരുന്ന ഈ പെണ്കുട്ടി ആരാണെന്നറിയാനുള്ള ആകാംക്ഷയിലായിരുന്നു ആരാധകര്.
ലേലം നടക്കുന്നതിനിടയിലും എല്ലാ കണ്ണുകളും ഇവളിലായിരുന്നു. എന്നാല് ഇതാരാണെന്ന് മാത്രം പലര്ക്കും മനസിലായില്ല. അതോടെ ആരാണ് ഇവളെന്ന അന്വേഷണവുമായി സോഷ്യല് മീഡിയയില് പോസ്റ്റുകള് പ്രത്യക്ഷപ്പെട്ടു.
കൊല്ക്കത്ത നൈറ്റ് റൈഡേഴ്സിന്റെ സഹ ഉടമസ്ഥയായ ജൂഹി ചൗളയുടെ മകളായ ജാന്വി മെഹ്തയായിരുന്നു ഈ 16-കാരി സുന്ദരി. ഐ.പി.എല് താരലേലത്തില് പങ്കെടുക്കുന്ന ഏറ്റവും പ്രായം കുറഞ്ഞയാള് എന്ന റെക്കോര്ഡിന്റെ ഉടമ കൂടിയാണ് ജാന്വി. ഫെബ്രുവരി ഒന്നിനാണ് ജാന്വിയുടെ 17-ാം പിറന്നാള്.
ലണ്ടനിലെ ചാര്ട്ടര് ഹൗസ് ബോര്ഡിങ് സ്കൂളിലാണ് ജാന്വിയും 15-കാരനായ അനുജന് അര്ജുന് മെഹ്തയും പഠിക്കുന്നത്. പഠിക്കാന് മിടുക്കിയായ ജാന്വി 10-ാം ക്ലാസില് എല്ലാ വിഷയങ്ങള്ക്കും എ1 ഗ്രേഡ് നേടിയിരുന്നു. എഴുത്തുകാരിയാകണമെന്നാണ് ജാന്വിയുടെ അഭിലാഷം.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!