ദക്ഷിണാഫ്രിക്ക- ശ്രീലങ്ക ഒന്നാം ടെസ്റ്റ് ആവേശകരമായ അന്ത്യത്തിലേക്ക്. രണ്ടാം ഇന്നിങ്‌സില്‍ 259 റണ്‍സിന് ദക്ഷിണാഫ്രിക്ക പുറത്താവുകയായിരുന്നു. ശ്രീലങ്കയുടെ മുന്നില്‍ 305 റണ്‍സിന്റെ വിജയലക്ഷ്യമാണുള്ളത്. പിന്നാലെ രണ്ടാം ഇന്നിങ്‌സ് ആരംഭിച്ച ലങ്ക മൂന്നം ദിനം ലഞ്ചിന് പിരിയുമ്പോള്‍ വിക്കറ്റ് നഷ്ടമില്ലാതെ 28 റണ്‍സെടുത്തിട്ടുണ്ട്.
ഡര്‍ബന്‍: ദക്ഷിണാഫ്രിക്ക- ശ്രീലങ്ക ഒന്നാം ടെസ്റ്റ് ആവേശകരമായ അന്ത്യത്തിലേക്ക്. രണ്ടാം ഇന്നിങ്‌സില്‍ 259 റണ്‍സിന് ദക്ഷിണാഫ്രിക്ക പുറത്താവുകയായിരുന്നു. ശ്രീലങ്കയുടെ മുന്നില്‍ 305 റണ്‍സിന്റെ വിജയലക്ഷ്യമാണുള്ളത്. പിന്നാലെ രണ്ടാം ഇന്നിങ്‌സ് ആരംഭിച്ച ലങ്ക മൂന്നം ദിനം ലഞ്ചിന് പിരിയുമ്പോള്‍ വിക്കറ്റ് നഷ്ടമില്ലാതെ 28 റണ്‍സെടുത്തിട്ടുണ്ട്. രണ്ട് ദിനം ശേഷിക്കെ ശ്രീലങ്കയ്ക്ക് വിജയിക്കാന്‍ 276 റണ്‍സ് വേണം. ദിമുത് കരുണാരത്‌നെ (11), ലാഹിരു തിരിമാനെ (17) എന്നിവരാണ് ക്രീസില്‍.
ലസിത് എംബുള്‍ഡെനിയയുടെ അഞ്ച് വിക്കറ്റും വിശ്വ ഫെര്‍ണാണ്ടോയുടെ നാല് വിക്കറ്റുമാണ് രണ്ടാം ഇന്നിങ്‌സില്‍ ദക്ഷിണാഫ്രിക്കയെ തകര്‍ത്തത്. 90 റണ്‍സ് നേടിയ ക്യാപ്റ്റന്‍ ഫാഫ് ഡു പ്ലെസിസാണ് ആതിഥേയരുടെ ടോപ് സ്‌കോറര്‍. ക്വിന്റണ്‍ ഡി കോക്ക് 55 റണ്‍സെടുത്ത് പുറത്തായി. പിന്നീടാര്‍ക്കും പൊരുതാന്‍ പോലും സാധിച്ചില്ല.