ഫിഞ്ച് ഹിറ്റില് മുംബൈയെ വീഴ്ത്തി ഗുജറാത്ത് ലയണ്സ്
Synopsis
മുംബൈ: ആരോണ് ഫിഞ്ച് ഒരിക്കല് കൂടി ഗുജറാത്ത് ലയണ്സിന്റെ രക്ഷകനായപ്പോള് ഐപിഎല്ലില് സുരേഷ് റെയ്നയുടെ ഗുജറാത്ത് ലയണ്സിന് തുടര്ച്ചയായ മൂന്നാം ജയം. ആവേശം അവസാന പന്തിലേക്ക് നീണ്ട മത്സരത്തില് മുംബൈ ഉയര്ത്തിയ 144 റണ്സ് വിജയലക്ഷ്യം ഏഴു വിക്കറ്റ് നഷ്ടത്തില് മറികടന്നു.
മുംബൈ ഉയര്ത്തിയ വിജയലക്ഷ്യം തേടിയിറങ്ങിയ ലയണ്സിന് ആശിച്ച തുടക്കമല്ല ലഭിച്ചത്. രണ്ടാം ഓവറില് ബ്രണ്ടന് മക്കല്ലത്തെ(6) മടക്കി ബൂംമ്ര ലയണ്സിനെ ഞെട്ടിച്ചു. എന്നാല് രണ്ടാം വിക്കറ്റില് ക്യാപ്റ്റന് റെയ്നയും(27) ഫിഞ്ചും ചേര്ന്നുള്ള അര്ധസെഞ്ചുറി കൂട്ടുകെട്ട് ലയണ്സിന്റെ വിജയത്തിന് അടിത്തറയായി. റെയ്ന പുറത്തായശേഷം കാര്ത്തിക്(9), ബ്രാവോ(2), അക്ഷദീപ് നാഥ്(12), ഫോക്നര്(7), പ്രവീണ് കുമാര്(0) എന്നിവരെ നഷ്ടമായെങ്കിലും ഫിഞ്ച്(54 പന്തില് 67 നോട്ടൗട്ട്) ലയണ്സിനെ വിജയത്തിലേക്ക് കൈപിടിച്ചു നടത്തി. ലയണ്സിനായി ഫിഞ്ചിന്റെ തുടര്ച്ചയായ മൂന്നാം അര്ധസെഞ്ചുറിയാണിത്. ബൂംമ്ര അവസാന ഓവറില് 11 റണ്സായിരുന്നു ലയണ്സിന് ജയിക്കാന് വേണ്ടിയിരുന്നത്.മൂന്നാം പന്ത് ബൗണ്ടറി കടത്തിയ ധവാല് കുല്ക്കര്ണിയാണ് ലയണ്സിന്റെ വിജയം ഉറപ്പിച്ചത്.
നേരത്തെ ടോസ് നഷ്ടപ്പെട്ട് ആദ്യം ബാറ്റ് ചെയ്ത മുംബൈയ്ക്ക് തുടക്കത്തിലേ ക്യാപ്റ്റന് രോഹിത് ശര്മയെ(7) നഷ്ടമായത് തിരിച്ചടിയായി. പാര്ഥിവ് പട്ടേലും(34), ജോസ് ബട്ലറും(16), അംബാട്ടി റായിഡുവും(20) പൊരുതി നോക്കിയെങ്കിലും മുംബൈ 100 കടന്നില്ല. അവസാന മൂന്നോവറില് ടിം സൗത്തിയും(11 പന്തില് 25) ഹര്ദ്ദീക് പാണ്ഡ്യയുടെ സഹോദരന് കുനാല് പാണ്ഡ്യയും(11 പന്തില് 20 നോട്ടൗട്ട്) നടത്തിയ വെടിക്കെട്ടാണ് മുംബൈയെ പൊരുതാവുന്ന സ്കോറിലെത്തിച്ചത്
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!