ക്യാപ്റ്റനും നേതാവും തമ്മില് വ്യത്യാസമുണ്ട്. കരിയറില് ഞാന് ഒരുപാട് ക്യാപ്റ്റന്മാര്ക്ക് കീഴില് കളിച്ചിട്ടുണ്ട്. ഞാന് കളിച്ചിട്ടുള്ള ക്യാപ്റ്റന്മാരില് നിസ്വാര്ഥനും സത്യസന്ധനുമായ ക്യാപ്റ്റനായിരുന്നു കുംബ്ലെ. അദ്ദേഹത്തില് ഞാന് ഒരുപാട് കാര്യങ്ങള് പഠിച്ചിട്ടുണ്ട്.
ദില്ലി: ഇന്ത്യയുടെ എക്കാലത്തെയും മികച്ച ക്യാപ്റ്റനാരെന്ന ചോദ്യം ഉയരുമ്പോഴെല്ലാം ആദ്യം ഉയര്ന്നുവരുന്ന രണ്ടു പേരുകളാണ് സൗരവ് ഗാംഗുലിയുടേതും എംഎസ് ധോണിയുടേതും. എന്നാല് ഗൗതം ഗംഭീറിനോടാണ് ചോദ്യമെങ്കില് അദ്ദേഹത്തിന്റെ ഉത്തരം അല്പം വ്യത്യസ്തമാണ്. അനില് കുംബ്ലെ ആണ് ഇന്ത്യകണ്ട മികച്ച നായകനെന്ന് ഗംഭീര് പറയുന്നു. കുംബ്ലെ യഥാര്ഥ നേതാവായിരുന്നുവെന്ന് ഗംഭീര് പറയുന്നു.
ക്രിക്കറ്റില് നിന്ന് വിരമിച്ചശേഷം എനിക്ക് ധൈര്യമായി പറയാനാവും, അദ്ദേഹമാണ് ഏറ്റവും മികച്ച ക്യാപ്റ്റനെന്ന്. ക്യാപ്റ്റനെന്ന നിലയില് ഒരുപാട് മത്സരങ്ങളിലൊമന്നും ഇന്ത്യയെ നയിക്കാന് എനിക്ക് കഴിഞ്ഞിട്ടില്ല. എങ്കിലും സത്യസന്ധതയും നിസ്വാര്ത്ഥതയുമാണ് ഒരു ക്യാപ്റ്റനുവേണ്ട ഗുണങ്ങളെന്ന് ഞാന് കരുതുന്നു. അത് രണ്ടും തന്നിലുണ്ടായിരുന്നുവെന്ന് ഞാന് കരുതുന്നവെന്നും ഗംഭീര് പറഞ്ഞു.