ഇന്ത്യാ-ഓസ്ട്രേലിയ ടെസ്റ്റ് പരമ്പരയുടെ ഫലം പ്രവചിച്ച് ഗ്ലെന്‍ മക്‌ഗ്രാത്ത്

സ്റ്റീവന്‍ സ്മിത്തും ഡേവിഡ് വാര്‍ണറുമില്ലെങ്കിലും ഓസ്ട്രേലിയയില്‍ ഇത്തവണ ഇന്ത്യ പരമ്പര നേടില്ലെന്ന് ഓസീസ് പേസ് ഇതിഹാസം ഗ്ലെന്‍ മക്‌ഗ്രാത്ത്. നാലു മത്സരങ്ങളടുടെ പരമ്പര ഓസ്ട്രേലിയ 4-0ന് തൂത്തുവാരുമെന്നും മക്‌ഗ്രാത്ത് ഇന്ത്യാ ടുഡേയോട് പറഞ്ഞു.

മെല്‍ബണ്‍: സ്റ്റീവന്‍ സ്മിത്തും ഡേവിഡ് വാര്‍ണറുമില്ലെങ്കിലും ഓസ്ട്രേലിയയില്‍ ഇത്തവണ ഇന്ത്യ പരമ്പര നേടില്ലെന്ന് ഓസീസ് പേസ് ഇതിഹാസം ഗ്ലെന്‍ മക്‌ഗ്രാത്ത്. നാലു മത്സരങ്ങളടുടെ പരമ്പര ഓസ്ട്രേലിയ 4-0ന് തൂത്തുവാരുമെന്നും മക്‌ഗ്രാത്ത് ഇന്ത്യാ ടുഡേയോട് പറഞ്ഞു.

ടീമില്‍ സ്മിത്തിന്റെയും വാര്‍ണറുടെയും വിടവ് നികത്തുക പ്രയാസകരമാണ്. എന്നാല്‍ ടീമിലെ യുവതാരങ്ങള്‍ക്ക് മികവുകാട്ടി ടീമില്‍ സ്ഥാനം ഉറപ്പിക്കാന്‍ ലഭിക്കുന്ന സുവര്‍ണാവസരമാണിത്. കടുപ്പമേറിയ പരമ്പരയായിരിക്കുമിതെന്ന കാര്യത്തില്‍ സംശയമില്ല. എങ്കിലും പരമ്പര 4-0ന് ഓസീസ് സ്വന്തമാക്കും.

സ്മിത്തിന്റെയും വാര്‍ണറുടെയും അഭാവത്തില്‍ മികച്ച കളി കാഴ്ചവെച്ചാലെ ഇന്ത്യയെ കീഴടക്കാനാവുവെന്നും മക്‌ഗ്രാത്ത് പറഞ്ഞു. ഈ മാസം 21ന് ആരംഭിക്കുന്ന ട്വന്റി-20 മത്സരത്തോടെയാണ് രണ്ടു മാസം നീളുന്ന ഓസീസ് പര്യടനത്തിന് ഇന്ത്യ തുടക്കമിടുന്നത്. മൂന്ന് ട്വന്റി-20 മത്സരവും മൂന്ന് ഏകദിനങ്ങളും  നാലു ടെസ്റ്റുകളുമാണ് പരമ്പരയിലുള്ളത്. ഡിസംബര്‍ ആറിനാണ് ആദ്യ ടെസ്റ്റ്.