ധോണി ഗാംഗുലിയുടെ റെക്കോര്‍ഡിനൊപ്പം എത്തുന്നു

ധരംശാലയിൽ ശ്രീലങ്കയുമായുള്ള ആദ്യ ഏകദിനത്തിൽ ടീം ഇന്ത്യ നാണംകെ​ട്ടെങ്കിലും മികച്ച ബാറ്റിങ്​ പ്രകടനത്തിലൂടെ മുൻ നായകൻ മഹേന്ദ്രസിങ്​ ധോണി ആരാധകരുടെ മനം കവർന്നിരുന്നു. മൂന്ന്​ മൽസരങ്ങൾ അടങ്ങിയ പരമ്പരയിൽ നിർണായകമാകുന്ന മൊഹാലിയിലെ രണ്ടാം ഏകദിനം ധോണിക്ക്​  കരിയറിൽ സുപ്രധാന നാഴികക്കല്ലായി മാറും.

മൊഹാലി മൽസരത്തോടെ ഇന്ത്യക്ക്​ വേണ്ടി കൂടുതൽ ഏകദിനം കളിച്ചവരിൽ മുൻ നായകൻ സൗരവ്​ ഗാംഗുലിയുടെ നേട്ടത്തിനൊപ്പം ധോണി എത്തും.  311 ഏകദിനങ്ങളിലാണ്​ സൗരവ്​ ഗാംഗുലി ഇന്ത്യക്കായി പാഡണിഞ്ഞത്​. സച്ചിൻ ടെൻഡുൽക്കറാണ്​ ഇന്ത്യക്കായി ഏറ്റവും കൂടുതൽ ഏകദിനം കളിച്ച താരം.

463 ഏകദിനം കളിച്ച സച്ചി​ന്‍റെ പേരിൽ തന്നെയാണ്​ ലോക റൊക്കോർഡും. ഇന്ത്യയിൽ സച്ചിന്​ പിറകിലായി രാഹുൽ ദ്രാവിഡും മുൻ ക്യാപ്​റ്റൻ മുഹമ്മദ്​ അസ്​ഹറുദ്ധീനുമാണുള്ളത്​. 36കാരനായ ധോണിക്ക്​ 106 റൺസ്​ കൂടി നേടാനായാൽ ഏകദനിത്തിൽ പതിനായിരം റൺസ്​ തികക്കാനുമാകും