കിംഗ്സ്റ്റൺ ടെസ്റ്റ്: ഇന്ത്യ വിജയത്തിനരികെ

കിംഗ്സ്റ്റൺ ക്രിക്കറ്റ് ടെസ്റ്റിൽ വെസ്റ്റ് ഇൻഡീസിനെതിരെ ഇന്ത്യ ജയത്തിലേക്ക്. മഴമൂലം കളി തടസ്സപ്പെട്ട നാലാം ദിനം കളി അവസാനിക്കുമ്പോള്‍ വിൻഡീസ് നാല് വിക്കറ്റിന് 48 റൺസ് എന്ന നിലയിലാണ്.  മുഹമ്മദ് ഷാമി രണ്ട് വിക്കറ്റ് വീഴ്ത്തിയപ്പോൾ ഇശാന്ത് ശർമ്മ, അമിത് മിശ്ര എന്നിവർ ഓരോ വിക്കറ്റ് വീതം നേടി. 

നാലാം ദിനം വെറും 16 ഓവർ മാത്രമാണ് കളി നടന്നത്. അവസാന ദിനമായ ഇന്ന് വിൻഡീസിന്  ഇന്നിംഗ്സ് പരാജയം ഒഴിവാക്കാൻ ആറു വിക്കറ്റ് ശേഷിക്കേ 256 റൺസ് കൂടി വേണം. ആദ്യ ടെസ്റ്റിൽ ഇന്ത്യ ഇന്നിംഗ്സിനും 92 റൺസിനും ജയിച്ചിരുന്നു.