വനിതാ ലോക ടി20: അയര്ലന്ഡിനെ തകര്ത്ത് ഇന്ത്യ സെമിയില്
Synopsis
വനിതാ ലോക ടി20യില് ഇന്ത്യ സെമിയില് പ്രേവശിച്ചു. തുടര്ച്ചയായ മൂന്നാം ജയത്തോടെയാണ് ഇന്ത്യ സെമിയില് കടന്നത്. അയര്ലന്ഡിനെ 52 റണ്സിനാണ് ഇന്ത്യ തകര്ത്തത്.
ജോര്ജ്ടൗണ്: വനിതാ ലോക ടി20യില് ഇന്ത്യ സെമിയില് പ്രേവശിച്ചു. തുടര്ച്ചയായ മൂന്നാം ജയത്തോടെയാണ് ഇന്ത്യ സെമിയില് കടന്നത്. അയര്ലന്ഡിനെ 52 റണ്സിനാണ് ഇന്ത്യ തകര്ത്തത്. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യ നിശ്ചിത ഓവറില് ആറ് വിക്കറ്റ് നഷ്ടത്തില് 145 റണ്സെടുത്തു. മറുപടി ബാറ്റിങ് ആരംഭിച്ച അയര്ലന്ഡിന് എട്ട് വിക്കറ്റ് നഷ്ടത്തില് 98 റണ്െടുക്കാന് മാത്രമാണ് സാധിച്ചത്.
രാധ യാദവിന്റെ മൂന്ന് വിക്കറ്റ് പ്രകടനമാണ് ദുര്ബലരായ അയര്ലന്ഡിനെ തകര്ത്തത്. അയര്ലന്ഡ് നിരയില് 33 റണ്സെടുത്ത ഇസൊബെല് ജോയ്സ് മാത്രമാണ് ഭേദപ്പെട്ട പ്രകടനം പുറത്തെടുത്തത്. ഓപ്പണര് ക്ലെയന് ഷില്ലിങ്ടണ് 23 റണ്സെടുത്തു. മറ്റാര്ക്കും രണ്ടക്കം പോലും നേടാന് സാധിച്ചില്ല.
ടോസ് നഷ്ടപ്പെട്ട ബാറ്റിങ്ങിന് ഇന്ത്യ നിശ്ചിത ഓവറില് ആറ് വിക്കറ്റ് നഷ്ടത്തില് 145 റണ്സെടുത്തു. 51 റണ്സെടുത്ത മിതാലി രാജിന്റെ പ്രകടനമാണ് ഇന്ത്യയുടെ സ്കോര് 140 കടത്തിയത്. അയര്ലന്ഡിനായി കിം ഗാര്ത്ത് രണ്ട് വിക്കറ്റെടുത്തു.
സ്മൃതി മന്ഥാന (33)യും മിതാലിയും നല്ല തുടക്കമാണ് ഇന്ത്യക്ക് നല്കിയത്. ഇരുവരും ആദ്യ വിക്കറ്റില് 67 റണ്സ് കൂട്ടിച്ചേര്ത്തു. എന്നാല് പിന്നീടെത്തിയവരില് ആര്ക്കും മികച്ച പ്രകടനം പുറത്തെടുക്കാനായില്ല. ജമീമ റോഡ്രിഗസ് (18), ഹര്മന്പ്രീത് കൗര് (7), വേദ കൃഷ്ണമൂര്ത്തി (9), ദയാലന് ഹേമലത (4) എന്നിവര് പെട്ടന്ന് മടങ്ങി. ദീപ്തി ശര്മ (11), രാധ യാവദ് (1) എന്നിവര് പുറത്താവാതെ നിന്നു. മിതാലിയാണ് മാന് ഓഫ് ദ മാച്ച്.
നേരത്തെ ഗ്രൂപ്പിലെ രണ്ട് മത്സരങ്ങളിലും ഇന്ത്യ വിജയിച്ചിരുന്നു. ആദ്യ മത്സരത്തില് ന്യൂസിലന്ഡിനേയും രണ്ടാം മത്സരത്തില് പാക്കിസ്ഥാനേയും ഇന്ത്യ തോല്പ്പിച്ചിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!