സ്‌മിത്തിന് പകരം നായകന്‍; പ്രതികരിച്ച് അജിങ്ക്യ രഹാനെ

ആരാധക പിന്തുണ തുടര്‍ന്നുമുണ്ടാകുമെന്ന് പ്രതീക്ഷിക്കുന്നതായി രഹാനെ

മുംബൈ: പന്ത് ചുരണ്ടല്‍ വിവാദത്തെ തുടര്‍ന്ന് ഓസീസ് താരം സ്റ്റീവ് സ്മിത്തിനെ ഐപിഎല്‍ ടീം രാജസ്ഥാന്‍ റോയല്‍സ് നായക സ്ഥാനത്തുനിന്ന് നീക്കിയിരുന്നു. സ്‌മിത്തിന് പകരം ഇന്ത്യന്‍ താരം അജിങ്ക്യ രഹാനെയാണ് രാജസ്ഥാന്‍ പുതിയ നായകനായി നിയമിച്ചത്. അപ്രതീക്ഷിതമായി നായകസ്ഥാനം ലഭിച്ചതിനെ കുറിച്ച് പ്രതികരിച്ചിരിക്കുകയാണ് രഹാനെ. 

രാജസ്ഥാന്‍ റോയല്‍സ് തനിക്ക് കുടുംബം പോലെയാണ്. നായകനാകാന്‍ സാധിച്ചത് ആവേശത്തിലാക്കുന്നു. തന്നില്‍ വിശ്വാസമര്‍പ്പിക്കുന്ന ടീം മാനേജ്മെന്‍റിന് നന്ദിയറിക്കുന്നു. മികച്ച പ്രകടനം പുറത്തെടുക്കുമെന്ന് ഉറപ്പ് നല്‍കുന്നു. ഐപിഎല്ലില്‍ 2008 എഡിഷനില്‍ ചാമ്പ്യന്‍മാരായ ടീമിന് ആരാധക പിന്തുണ തുടര്‍ന്നുമുണ്ടാകുമെന്ന് പ്രതീക്ഷിക്കുന്നതായും രഹാനെ പറഞ്ഞു.