ഡെയര്ഡെവിള്സിന് ബാറ്റിംഗ്; ടീമില് മൂന്ന് മാറ്റം
Synopsis
സണ്റൈസേഴ്സിനെ തളയ്ക്കാന് മൂന്ന് മാറ്റങ്ങളുമായി ഡെയര്ഡെവിള്സ്
ദില്ലി: ഐപിഎല്ലില് സണ്റൈസേഴ്സ് ഹൈദരാബാദിനെതിരെ ടോസ് നേടിയ ഡല്ഹി ഡെയര്ഡെവിള്സ് ബാറ്റിംഗ് തെരഞ്ഞെടുത്തു. പരിക്കേറ്റ വിക്കറ്റ് കീപ്പര് ബാറ്റ്സ്മാന് സാഹയ്ക്ക് പകരം ഗോസ്വാമിയാണ് സണ്റൈസേഴ്സിനായി കളിക്കുന്നത്. അതേസമയം മൂന്ന് മാറങ്ങളുമായാണ് ഡല്ഹി ഇറങ്ങുന്നത്. നദീം, റോയ്, ഹര്ഷാല് പട്ടേല് എന്നിവര് ഡെയര്ഡെവിള്സ് നിരയില് മടങ്ങിയെത്തി.
10 കളിയില് 16 പോയിന്റുമായി ഒന്നാം സ്ഥാനത്തുള്ള സണ്റൈസേഴ്സ് ഹൈദരാബാദിന് ഇന്ന് ജയിച്ചാല് പ്ലേ ഓഫ് ഉറപ്പിക്കുന്ന ആദ്യ ടീമാകാം. 10 മത്സരങ്ങളില് മൂന്നില് മാത്രം ജയിച്ച ഡല്ഹി ഡെയര്ഡെവിള്സ് അവസാന സ്ഥാനത്താണ്.
അടുത്ത നാല് കളിയും ജയിച്ച് 14 പോയിന്റിലെത്തിയാലും ഡല്ഹി പ്ലേ ഓഫ് കളിക്കുമെന്ന് ഉറപ്പില്ല. മരണമുഖത്ത് നില്ക്കുന്ന ഡെയര്ഡെവിള്സിന് ശ്രേയസ് അയ്യരുടെയും റിഷഭ് പന്തിന്റെയും പൃഥ്വി ഷായുടെയും മികച്ച ഫോം പ്രതീക്ഷ നല്കുന്നുണ്ടെങ്കിലും നിര്ണായക ഘട്ടങ്ങളില് ഫീല്ഡിംഗ് പിഴവുകള് ആവര്ത്തിക്കുന്നത് വെല്ലുവിളിയാണ്. അമിത് മിശ്രയ്ക്ക് പിന്തുണ നല്കാന് ഒരു സ്പിന്നര്ക്ക് കൂടി ഡല്ഹി അവസരം നല്കിയേക്കും.
ചെറിയ സ്കോര് പോലും പ്രതിരോധിക്കുന്നതില് സമര്ത്ഥരായ സണ്റൈസേഴ്സിന്റെ ബൗളിംഗ് നിര ലീഗിലെ മികച്ചതാണ്. കെയിന് വില്യംസന്റെ സ്ഥിരതയും യൂസഫ് പഠാനെയും ഷക്കിബിനെയും പോലുള്ളവര് അത്യാവശ്യ ഘട്ടങ്ങളില് തിളങ്ങുന്നതും മൂഡിയുടെ ടീമിന് മേല്ക്കൈ നല്കും. ഹൈദരാബാദില് ഇരുടീമുകളും മുമ്പ് ഏറ്റുമുട്ടിയപ്പോള് സണ്റൈസേഴ്സ് ജയിച്ചിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!