നൃത്തമാടി യുവിയും നെ‌ഹ്റയും; അമ്പരന്ന് ആരാധകര്‍- വീഡിയോ

യുവിയുടെയും നെഹ്‌റയുടെയും നൃത്തം കാണാം

ഇന്‍ഡോര്‍: ഇന്ത്യന്‍ ക്രിക്കറ്റിലെ ദീര്‍ഘകാല സുഹൃത്തുക്കളാണ് ഓള്‍റൗണ്ടര്‍ യുവ്‌രാജ് സിംഗും പേസര്‍ ആശിഷ് നെഹ്റയും. ഐപിഎല്ലില്‍ യുവി കിംഗ്സ് ഇലവന്‍ പഞ്ചാബിന്‍റെ താരവും നെഹ്‌റ റോയല്‍ ചലഞ്ചേഴ്സ് ബാംഗ്ലൂരിന്‍റെ ബൗളിംഗ് പരിശീലകനുമാണ്. ബാംഗ്ലൂര്‍- പഞ്ചാബ് മത്സരത്തിന് മുമ്പ് പരിശീലത്തിനിടെ ഇരുവരും കണ്ടുമുട്ടിപ്പോള്‍ സംഭവിച്ചത് ആരാധകര്‍ക്ക് കൗതുകമായി.

മൈതാനത്ത് വെച്ച് തമ്മില്‍ കണ്ട ആഹ്ലാദത്തില്‍ ഇരുവരും ചേര്‍ന്ന് നൃത്തമാടുന്നത് ആരാധകര്‍ക്ക് കാണാനായി. വര്‍ഷങ്ങളോളം ഇരുവരെയും ഇന്ത്യന്‍ ജഴ്‌സിയില്‍ കണ്ടിട്ടുള്ള ആരാധകര്‍ക്ക് ഈ നൃത്തം വലിയ കൗതുകമായിരിക്കും എന്ന് തീര്‍ച്ച. ഐപിഎല്ലില്‍ വിവിധ ടീമുകളുടെ ഭാഗമായവര്‍ തമ്മിലുള്ള ആത്മബന്ധം തെളിയിക്കുക കൂടിയാണ് ഈ ഡാന്‍സ് വീഡിയോ