'കരുത്തോടെ നില്ക്കൂ'; പ്രളയത്തില് ദുരിതമനുഭവിക്കുന്ന കേരളത്തോട് ആഴ്സണല്
Synopsis
കേരളത്തിന് പിന്തുണയുമായി വിഖ്യാത ഇംഗ്ലീഷ് ഫുട്ബോള് ക്ലബ് ആഴ്സണല്. കേരളത്തിലെ ആഴ്സണല് ആരാധകര് നടത്തുന്ന എല്ലാ ദുരിതാശ്വാസ പ്രവര്ത്തനങ്ങളിലും അഭിമാനമുണ്ട്, അവ തുടരുക. പ്രതികൂലമായ ഈ സാഹചര്യത്തില് കേരളത്തിന് എല്ലാ പിന്തുണയും അറിയിക്കുന്നതായി ആഴ്സണല്.
ആഴ്സണല്: മഴക്കെടുതിയിലും വെള്ളപ്പൊക്കത്തിലും കീഴടങ്ങാതെ പൊരുതുന്ന കേരളത്തിന് പ്രത്യേക സന്ദേശവുമായി ഇംഗ്ലീഷ് പ്രീമിയര് ലീഗ് ക്ലബ് ആഴ്സണല്. കേരളത്തോട് ധൈര്യമായിരിക്കാന് വീഡിയോയിലൂടെ ക്ലബ് ആവശ്യപ്പെടുന്നു. കേരളത്തിലെ ആഴ്സണല് ആരാധകര് നടത്തുന്ന എല്ലാ ദുരിതാശ്വാസ പ്രവര്ത്തനങ്ങളിലും അഭിമാനമുണ്ട്, അവ തുടരുക. പ്രതികൂലമായ ഈ സാഹചര്യത്തില് കേരളത്തിന് എല്ലാ പിന്തുണയും അറിയിക്കുന്നു- ആഴ്സണ് വ്യക്തമാക്കി.
ഇതിനകം നിരവധി പേരാണ് ആഴ്സണലിന്റെ സന്ദേശത്തിന് നന്ദിയറിയിച്ചത്. നേരത്തെ ഇറ്റാലിയന് സീരിസ് എ വമ്പന്മാരായ എഎസ് റോമയും കേരളത്തിന് പിന്തുണയറിയിച്ചിരുന്നു. കേരളത്തെ സഹായിക്കാനായി റോമയുടെ ഹോം ഗ്രൗണ്ടില് നടക്കുന്ന ആദ്യ മത്സരത്തിലെ അഞ്ച് ജഴ്സികള് ലേലം ചെയ്യുമെന്ന് ക്ലബ് വ്യക്തമാക്കി. ലേലത്തിലൂടെ ലഭിക്കുന്ന തുക പ്രളയബാധിതരെ സഹായിക്കാനായി വിനിയോഗിക്കുമെന്നാണ് റോമയുടെ വാഗ്ദാനം.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!