ക്രിസ്​മസ്​ ആഘോഷചിത്രത്തിൽ മുഹമ്മദ്​ കൈഫിനെ ട്രോളി വീണ്ടും സാമൂഹിക മാധ്യമങ്ങൾ

മുൻ ഇന്ത്യൻ ക്രിക്കറ്റ് താരം മുഹമ്മദ് കൈഫ് അൽപ്പകാലമായി സാമൂഹിക മാധ്യമങ്ങളുടെ ആക്രമണത്തിൽ നിന്ന്​ രക്ഷപ്പെട്ട് നിൽക്കുകയായിരുന്നു. മകനുമൊത്ത്​ ചെസ്സ്​ കളിക്കുന്ന ചിത്രവും സൂര്യനമസ്​കാരം നിർവഹിക്കുന്ന ചിത്രവും പോസ്​റ്റ്​ ചെയ്​ത താരത്തെ തീവ്രനിലപാടുകാരായ ട്രോളർമാരുടെ ഇരയാക്കിയിരുന്നു. 

ഇപ്പോൾ ഭാര്യക്കും മകനുമൊപ്പം ക്രിസ്​മസ്​ ആഘോഷിക്കുന്ന ചിത്രം ഫെയ്​സ്​ബുക്കിലും ട്വിറ്ററിലും പോസ്​റ്റ്​ ചെയ്യുകയും ആശംസകൾ നേരുകയും ചെയ്​തതോടെ പഴയ സംഘം വീണ്ടും താരത്തിനെതിരെ തിരിഞ്ഞു. ഇസ്​ലാമികമായി നിഷിദ്ധമായ ആഘോഷം ആഘോഷിക്കരുതെന്ന ട്രോളുകളുമായാണ്​ ചിലർ വന്നത്​. ക്രിസ്​മസ്​ ആഘോഷം മരണശേഷം ദൈവകോപത്തിന്​ ഇടയാക്കുമെന്നായിരുന്നു ചിലരുടെ മുന്നറിയിപ്പ്​. 

ചിലർ കൈഫിനെ പിന്തുണക്കുകയും സാമുദായിക സൗഹാർദ്ദം ഉറപ്പാക്കാൻ ഇത്തരം ആഘോഷങ്ങൾ വഴിയൊരുക്കുമെന്നും അഭിപ്രായപ്പെടുന്നു.

നേരത്തെ ഇർഫാൻ പത്താനും മുഹമ്മദ്​ ഷാമിയും ​സാമൂഹിക മാധ്യമങ്ങളിൽ വിമർശനം നേരിട്ട താരങ്ങളാണ്​. കൈമറക്കാ​ത്ത ഭാര്യയുടെ ചിത്രത്തി​െൻറ പേരിലും മകളുടെ ജന്മദിനാഘോഷ ചിത്രങ്ങളുമാണ്​ ഇരുവർക്കും നേരെ വിമർശനം ക്ഷണിച്ചുവരുത്തിയത്​.