വീണ്ടും സിവ തരംഗം; ഇത്തവണ ചുവടുവെച്ചത് ബ്രാവോയുടെ പാട്ടിനൊപ്പം

ബ്രാവോയുടെ പാട്ടിനൊപ്പം ചുവടുവെച്ച് ധോണിയുടെ മകള്‍ സിവ

ചെന്നൈ: ഇന്ത്യന്‍ ക്രിക്കറ്റ് മുന്‍ നായകന്‍ എംഎസ് ധോണിയുടെ മകള്‍ സിവയുടെ മലയാളം പാട്ടും ഡാന്‍സുകളും നേരത്തെ വൈറലായിരുന്നു. ഇപ്പോള്‍ ആരാധകരുടെ മുന്നിലേക്ക് പുതിയൊരു ഡാന്‍സുമായി വന്നിരിക്കുകയാണ് സിവ. എന്നാല്‍ ഈ നൃത്തത്തിന് വലിയൊരു പ്രത്യേകതയുണ്ട്. ക്രിക്കറ്റിലെ തട്ടുപൊളിപ്പന്‍മാരില്‍ ഒരാളായ വിന്‍ഡീസ് താരം ഡ്വെയ്ന്‍ ബ്രാവോയുടെ 'ചാമ്പ്യന്‍ സോങ്'ന് ഒപ്പമാണ് സിവ ചുവടുവെച്ചത്. 

ബ്രാവോയുടെ പാട്ടിനൊപ്പമുള്ള സിവയുടെ ഈ നൃത്തം ആരാധകര്‍ ഏറ്റെടുത്തുകഴിഞ്ഞു. സിവയ്ക്കൊപ്പം ഒട്ടേറെ കുട്ടികളും  ചുവടുവെക്കാനുണ്ടായിരുന്നു. അതേസമയം നൃത്തവും സംഗീതവുമായി ക്രിക്കറ്റ് മൈതാനത്തിന് പുറത്ത് ബ്രാവോ ജീവിതം ആഘോഷിക്കുകയാണ്. 2016ല്‍ പുറത്തിറങ്ങിയ ബ്രാവോയുടെ ചാമ്പ്യന്‍ സോംങ് ലോകമെമ്പാടും വലിയ തരംഗമായിരുന്നു. ഐപിഎല്ലില്‍ ചെന്നൈ സൂപ്പര്‍ കിംഗ്സിനായി കളിക്കുകയാണ് ബ്രാവോയിപ്പോള്‍.