അവസാന ഏകദിനത്തിന് മുമ്പെ കിവീസിന് വമ്പന് തിരിച്ചടി
Synopsis
അഞ്ചാം ഏകദിനത്തില് ഇന്ത്യയെ നേരിടാനിരിക്കെ ന്യൂസിലന്ഡിന് വമ്പന് തിരിച്ചടി. അവരുടെ ഓപ്പണിങ് ബാറ്റ്സ്മാന് മാര്ട്ടിന് ഗപ്റ്റലിന് പരിക്ക് കാരണം അവസാന ഏകദിനം കളിക്കാന് സാധിക്കില്ല.
വെല്ലിങ്ടണ്: അഞ്ചാം ഏകദിനത്തില് ഇന്ത്യയെ നേരിടാനിരിക്കെ ന്യൂസിലന്ഡിന് വമ്പന് തിരിച്ചടി. അവരുടെ ഓപ്പണിങ് ബാറ്റ്സ്മാന് മാര്ട്ടിന് ഗപ്റ്റലിന് പരിക്ക് കാരണം അവസാന ഏകദിനം കളിക്കാന് സാധിക്കില്ല. പരിശീലനത്തിനിടെയാണ് താരത്തിന് പരിക്കേറ്റത്. ഇക്കാര്യം ന്യൂസിലന്ഡ് ക്രിക്കറ്റ് ബോര്ഡ് സ്ഥിരീകരിക്കുകയും ചെയ്തു. ഗപ്റ്റിലിന് പകരം കോളിന് മണ്റോയെ ടീമില് ഉള്പ്പെടുത്തിയിട്ടുണ്ട്.
ആദ്യ മൂന്ന് ഏകദിനങ്ങള് കളിച്ച താരമാണ് മണ്റോ. എന്നാല് 46 റണ്സ് മാത്രമാണ് താരത്തിന് നേടാന് സാധിച്ചത്. ഇതോടെ അവസാന രണ്ട് ഏകദിനങ്ങളില് നിന്ന് താരത്തെ ഒഴിവാക്കുകയായിരുന്നു. ഗപ്റ്റലിന്റെ പരിക്ക് താരത്തിന് ഒരിക്കല്കൂടി അവസരം നല്കിയിരിക്കുകയാണ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!