ഐഎസ്എല്: നോര്ത്ത് ഈസ്റ്റ് ഒന്നാമത്; ഡല്ഹിയെ തകര്ത്തു
Synopsis
ഇന്ത്യന് സൂപ്പര് ലീഗില് നോര്ത്ത് ഈസ്റ്റ് യുനൈറ്റഡ് കുതിപ്പ് തുടരുന്നു. ഇന്ന് എവേ മത്സരത്തില് ഡല്ഹി ഡൈനാമോസിനെ എതിരില്ലാത്ത രണ്ട് ഗോളുകള്ക്കാണ് നോര്ത്ത് ഈസ്റ്റ് തകര്ത്തത്. 80 മിനിറ്റ് വരെ ഗോള്രഹിതമായിരുന്നു മത്സരം.
ദില്ലി: ഇന്ത്യന് സൂപ്പര് ലീഗില് നോര്ത്ത് ഈസ്റ്റ് യുനൈറ്റഡ് കുതിപ്പ് തുടരുന്നു. ഇന്ന് എവേ മത്സരത്തില് ഡല്ഹി ഡൈനാമോസിനെ എതിരില്ലാത്ത രണ്ട് ഗോളുകള്ക്കാണ് നോര്ത്ത് ഈസ്റ്റ് തകര്ത്തത്. 80 മിനിറ്റ് വരെ ഗോള്രഹിതമായിരുന്നു മത്സരം. എന്നാല് അവസാന 11 മിനിറ്റുകള്ക്കിടെ നേടിയ ഗോള് നോര്ത്ത് ഈസ്റ്റിന് ജയമൊരുക്കി. ഫെഡറികോ ഗാലെഗോ, ഒഗ്ബെഷെ എന്നിവരാണ് നോര്ത്ത് ഈസ്റ്റിന്റെ ഗോളുകള് നേടിയത്.
ജയത്തോടെ പോയിന്റ് പട്ടികയില് ഒന്നാം സ്ഥാനത്തെത്താനും നോര്ത്ത് ഈസ്റ്റിന് സാധിച്ചു. അതേസമയം ഡല്ഹി ഡൈനാമോസിന് തങ്ങളുടെ സീസണിലെ ആദ്യ വിജയത്തിനായി ഇനിയും കാത്തിരിക്കണം. പോയിന്റ് പട്ടികയില് എട്ടാം സ്ഥാനത്താണ് ഡല്ഹി.
ആദ്യപകുതി ഗോള്രഹിതമെങ്കിലും ഡല്ഹിക്ക് അത്ര എളുപ്പമല്ലായിരുന്നു കാര്യങ്ങള്. അവരുടെ ഗോള് കീപ്പറുടെ പ്രകടനാണ് ആതിഥേയരെ രക്ഷിച്ചത്. എന്നാല് 82ാം മിനിറ്റില് നോര്ത്ത് ഈസ്റ്റ് ആദ്യ ഗോള് നേടി. ഫെഡറികോ ഗാലെഗോയുടെ വകയായിരുന്നു ഗോള്. പിന്നാലെ, പ്രതിരോധ താരം പ്രീതം കോട്ടല് വരുത്തിയ പിഴവ് മുതലെടുത്ത് ഒഗ്ബെഷെ രണ്ടാം ഗോളും നേടി.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!