പി വി സിന്ധുവിന് ഇന്ത്യ ഓപ്പണ്‍ സൂപ്പര്‍ സീരീസ് കിരീടം

ദില്ലി: റി​യോ​യി​ൽ ഒ​ളി​മ്പി​ക് സ്വ​ർ​ണം ത​ട്ടി​ത്തെ​റി​പ്പി​ച്ച ക​രോ​ളി​ന മാ​രി​നോ​ട് മ​ധു​ര​പ്ര​തി​കാ​രം തീ​ർ​ത്ത് ഇ​ന്ത്യ​യു​ടെ സൂ​പ്പ​ർ സി​ന്ധു. ബാ​ഡ്മി​ന്‍റ​ൺ പ്രേ​മി​ക​ളു​ടെ സ്വ​പ്ന ഫൈ​ന​ലി​ൽ ഒ​ന്നാം സീ​ഡ് മാ​രി​നെ അ​ട്ടി​മ​റി​ച്ച് പി.​വി സി​ന്ധു ഇ​ന്ത്യ​ൻ ഓ​പ്പ​ൺ സൂ​പ്പ​ർ സീ​രി​സ് ക​ര​സ്ഥ​മാ​ക്കി. നേ​രി​ട്ടു​ള്ള സെ​റ്റു​ക​ൾ​ക്കാ​യി​രു​ന്നു സി​ന്ധു സ്പാ​നി​ഷ് താ​രം മാ​രി​നെ തോല്‍പ്പിച്ചത്. സ്കോ​ർ: 21-19, 21-16.

പ​ക വീ​ട്ടാ​നു​ള്ള​താ​ണെ​ന്ന് സി​ന്ധു വി​ശ്വ​സി​ക്കു​ന്നു​ണ്ടോ? എ​ന്നു തോ​ന്നി​പ്പോ​വും ഇ​ന്ത്യ​യി​ലെ​ത്തി​യ മാ​രി​നെ അ​വ​ർ കൈ​കാ​ര്യം ചെ​യ്ത​വി​ധം. റി​യോ​യി​ലെ ആ ​സ്വ​പ്ന ഫൈ​ന​ൽ ഓർമയുണ്ടോ‍? ഒളിമ്പിക്സ് ഫൈനലിൽ ആ​ദ്യ സെ​റ്റ് 21-19 ന് ​മാ​രി​നാ​ണ് നേ​ടി​യ​ത്. എ​ന്നാ​ൽ ര​ണ്ടാം സെ​റ്റി​ൽ സി​ന്ധു (12-21) തി​രി​ച്ചു​വ​ന്നെ​ങ്കി​ലും മൂ​ന്നാം സെ​റ്റി​ൽ അവർ സി​ന്ധു​വി​നെ 15-21 ന് ​വീ​ഴ്ത്തി. 

ഇ​താ, ഡ​ൽ​ഹി​യി​ലെ​ത്തി​യ മാ​രി​നെ ആ​ദ്യ സെ​റ്റി​ൽ സി​ന്ധു പ​രാ​ജ​യ​പ്പെ​ടു​ത്തി​യ​ത് റി​യോ​യി​ലെ അ​തേ സ്കോ​റി​ൽ. ക​ട്ട​യ്ക്കു​ക​ട്ട ര​ണ്ടു​പേ​രും പി​ടി​ച്ചെ​ങ്കി​ലും ഡ​ൽ​ഹി​യി​ലെ ഗാ​ല​റി​ക​ളു​ടെ ആ​ർ​പ്പു​വി​ളി​ക​ൾ സി​ന്ധു​വി​നു ഊ​ർ​ജ​പ്ര​വാ​ഹ​മാ​യി. സ്കോർ: 21-19. ആ​ദ്യ സെ​റ്റ് ന​ഷ്ട​പ്പെ​ട്ട മാ​രി​ന് തിരിച്ചുവരാന്‍ അവസരം കിട്ടിയില്ല. അ​നാ​യാ​സം ക​യ​റി​പ്പോ​യ സി​ന്ധു 21-16 ന് ​സെ​റ്റും കി​രീ​ട​വും സ്വ​ന്ത​മാ​ക്കി

നേരത്തെ സെമിയില്‍ ദക്ഷിണ കൊറിയയുടെ സുങ് ജി ഹ്യുന്നിനെ ഒന്നിനെതിരെ രണ്ടു ഗെയിമുകള്‍ക്ക് കീഴടക്കിയാണ് സിന്ധു ഫൈനലിലെത്തിയത്. സ്കോര്‍ 21-18, 14-21, 21-14. ഇന്ത്യയുടെതന്നെ സൈന നെഹ്‌വാളിനെ നേരിട്ടുള്ള ഗെയിമുകള്‍ക്ക് തോല്‍പ്പിച്ചാണ് സിന്ധു സെമിയിലെത്തിയത്.