രാജസ്ഥാന്‍ ആദ്യം ബോള്‍ ചെയ്യും

ഐപിഎല്‍ 2018 ലെ മുപ്പത്തിരണ്ടാമത്തെ മത്സരത്തില്‍ രാജസ്ഥാന്‍ റോയല്‍സ് ആദ്യം ബോള്‍ ചെയ്യും

ദില്ലി: ഐപിഎല്‍ 2018 ലെ മുപ്പത്തിരണ്ടാമത്തെ മത്സരത്തില്‍ രാജസ്ഥാന്‍ റോയല്‍സ് ആദ്യം ബോള്‍ ചെയ്യും. ടോസ് നേടിയ രാജസ്ഥാന്‍ ക്യാപ്റ്റന്‍ അജങ്ക്യ രഹാനെ ഡല്‍ഹി ഡെയര്‍ഡെവിള്‍സിനെ ബാറ്റിംഗിന് അയക്കുകയായിരുന്നു. ഡെറി ഷോര്‍ട്ടും, ശ്രേയസ് ഗോപാലും രാജസ്ഥാന്‍ ടീമില്‍ തിരിച്ചെത്തി. 

അതേ സമയം ഡല്‍ഹി നിരയില്‍ ഷഹബാസ് നസീം രാഹുല്‍ തെതിയയ്ക്ക് പകരം ടീമില്‍ എത്തിയിട്ടുണ്ട്. ഗ്ലെന്‍ മാക്സ്വെല്ലിനെ ഡല്‍ഹി പുറത്തിരുത്തും എന്ന് സൂചനയുണ്ടായിരുന്നെങ്കിലും അതിലേക്ക് ഡല്‍ഹി കോച്ച് റിക്കി പോണ്ടിംഗ് കടന്നില്ലെന്നാണ് ടീം ലൈനപ്പ് വ്യക്തമാക്കുന്നത്.

പോയന്‍റ് ടേബിളില്‍ ഏറ്റവും പിന്നില്‍ ഉള്ള ഡല്‍ഹിക്ക് 8 മത്സരങ്ങളില്‍ നിന്നും 4 പോയന്‍റാണ് ഉള്ളത്. അതേ സമയം ഏഴ് മത്സരങ്ങളില്‍ നിന്നും 6 പോയന്‍റുള്ള രാജസ്ഥാന് ആദ്യ 4 ല്‍ തിരിച്ചെത്താന്‍ ഇത് മികച്ച അവസരമാണ്.