രവീന്ദ്ര ജഡേജയുടെ ഫിറ്റ്നസ് രഹസ്യം

ടീം സെലക്ഷന് മുമ്പ് ജഡേജയുടെ ഫിറ്റ്നസ് സംബന്ധിച്ച് ചോദ്യങ്ങളുയര്‍ന്നിരുന്നു

മുംബൈ: ഇന്ത്യന്‍ ടീമിന്‍റെ ഇംഗ്ലിഷ് പര്യടനത്തിനുള്ള ടെസ്റ്റ് ടീമിനെ പ്രഖ്യാപിച്ചിട്ട് മണിക്കൂറുകള്‍ പിന്നിടുന്നതെയുള്ളു. രവീന്ദ്ര ജഡേജ ടീമിലേക്ക് മടങ്ങിയെത്തിയെന്ന വാര്‍ത്ത ആരാധകരെ സന്തോഷത്തിലാക്കുന്നതാണ്. ഇന്ത്യയുടെ സമീപകാല ടെസ്റ്റ് വിജയങ്ങളില്‍ വലിയ പങ്കുവഹിച്ചിട്ടുള്ള ജഡേജയ്ക്ക് ഇംഗ്ലണ്ടിലും ഒരു പാട് കാര്യങ്ങള്‍ ചെയ്യാനാകുമെന്നാണ് പ്രതീക്ഷ.

ടീം സെലക്ഷന് മുമ്പ് ജഡേജയുടെ ഫിറ്റ്നസ് സംബന്ധിച്ച് ചോദ്യങ്ങളുയര്‍ന്നിരുന്നു. കടമ്പകളെല്ലാം മറികടന്ന് ജഡേജ ഇംഗ്ലണ്ടിലേക്ക് വണ്ടി കയറുകയാണ്. അതിനിടയിലാണ് ജഡേജ ഇന്‍സ്റ്റഗ്രാമിലൂടെ തന്‍റെ ഫിറ്റ്നസ് രഹസ്യം പുറത്തുവിട്ടത്. നിങ്ങളുടെ ലക്ഷ്യത്തിലെത്തുന്നതുവരെ പരിശ്രമിക്കുകയെന്ന കുറിപ്പുമായി താരം പുറത്തുവിട്ട വീഡിയോ രസകരമാണ്.