ഓസ്ട്രേലിയന്‍ ഓപ്പണ്‍: ഫെഡറര്‍ മൂന്നാം റൗണ്ടില്‍

ആദ്യ സെറ്റില്‍ ഫെഡററുടെ സര്‍വ് ബ്രേക്ക് ചെയ്ത് ലോക റാങ്കിംഗില്‍ 189-ാം സ്ഥാനക്കാരനായ ഇവാന്‍ രണ്ടാം സെറ്റ് ടൈ ബ്രേക്കറിലാണ് കൈവിട്ടത്.

മെല്‍ബണ്‍: നിലവിലെ ചാമ്പ്യന്‍ റോജര്‍ ഫെഡറര്‍ ഓസ്ട്രേലിയന്‍ ഓപ്പണ്‍ ടെന്നീസിന്റെ മൂന്നാം റൗണ്ടില്‍ കടന്നു. ബ്രിട്ടീഷ് താരം ‍ഡാന്‍ ഇവാന്‍സിനെ നേരിട്ടുള്ള സെറ്റുകളില്‍ മറികടന്നാണ് ഫെഡറര്‍ മൂന്നാം റൗണ്ടിലെത്തിയത്. സ്കോര്‍  7-6(5), 7-6(3), 6-3.

ആദ്യ സെറ്റില്‍ ഫെഡററുടെ സര്‍വ് ബ്രേക്ക് ചെയ്ത് ലോക റാങ്കിംഗില്‍ 189-ാം സ്ഥാനക്കാരനായ ഇവാന്‍ രണ്ടാം സെറ്റ് ടൈ ബ്രേക്കറിലാണ് കൈവിട്ടത്. അതേസമയം, അഞ്ചാം സീഡ് കെവിന്‍ ആന്‍ഡേഴ്സനെ ഫ്രാന്‍സിസ് ടിയാഫോ അട്ടിമറിച്ചു. ഒന്നിനെതിരെ മൂന്ന് സെറ്റുകളിലായിരുന്നു ടിയാഫോയുടെ വിജയം. സ്കോര്‍ 4-6 6-4 6-4 7-5.

മുന്‍ യുഎശ് ഓപ്പണ്‍ ജേതാവ് സൊളാന്‍സ് സ്റ്റീഫന്‍സും മൂന്നാം റൗണ്ടിലേക്ക് മുന്നേറിയിട്ടുണ്ട്. ടിമേയ ബാബോസിനെ നേരിട്ടുള്ള സെറ്റുകളില്‍ കീഴടക്കിയാണ് സൊളാനെ സ്റ്റീഫന്‍സ് മൂന്നാം റൗണ്ടിലെത്തിയത്. വനിതകളില്‍ കരോലിന്‍ വോസ്നിയാക്കിയും മൂന്നാം റൗണ്ടിലെത്തി.