കലിപ്പുതീര്ത്ത് ഹിറ്റ്മാന്; അഞ്ചാം ഏകദിനത്തില് സെഞ്ചുറി
Synopsis
പോര്ട്ട് എലിസബത്ത്: വിമര്ശകര്ക്ക് സെഞ്ചുറി കൊണ്ട് മറുപടി നല്കി ഇന്ത്യന് ഓപ്പണര് രോഹിത് ശര്മ്മ. ദക്ഷിണാഫ്രിക്കയ്ക്കെതിരായ അഞ്ചാം ഏകദിനത്തില് സെഞ്ചുറി നേടിയ രോഹിതിന്റെ കരുത്തില് ഇന്ത്യ മികച്ച സ്കോറിലേക്ക് കുതിക്കുകയാണ്. 51 പന്തില് അര്ദ്ധ സെഞ്ചുറി നേടിയ ഹിറ്റ്മാന് 107 പന്തില് സെഞ്ചുറിയിലെത്തി. എട്ട് ഫോറും നാല് സിക്സും അടക്കമാണ് രോഹിത് തകര്പ്പന് സെഞ്ചുറി അടിച്ചെടുത്തത്.
ദക്ഷിണാഫ്രിക്കയ്ക്കെതിരായ രണ്ടാമത്തെ സെഞ്ചുറിയും ഏകദിനത്തില് രോഹിതിന്റെ 17-ാം സെഞ്ചുറിയുമാണിത്. പരമ്പരയില് ആദ്യമായാണ് രോഹിത് അമ്പതിലധികം സ്കോര് ചെയ്യുന്നത്. ഒടുവില് വിവരം ലഭിക്കുമ്പോള് 36 ഓവറില് 202-3 എന്ന നിലയിലാണ് ഇന്ത്യ. 101 റണ്സെടുത്ത രോഹിത് ശര്മ്മയും 13 റണ്സുമായി ശ്രേയാംസ് അയ്യരുമാണ് ക്രീസില്.
ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യയ്ക്ക് മികച്ച തുടക്കമാണ് ധവാനും രോഹിത് ശര്മ്മയും ചേര്ന്ന് നല്കിയത്. 23 പന്തില് 34 റണ്സെടുത്ത ശീഖര് ധവാന്റെ വിക്കറ്റാണ് ഇന്ത്യയ്ക്ക് ആദ്യം നഷ്ടമായത്. പിന്നാലെ രോഹിത്-കോലി സഖ്യം മികച്ച കൂട്ടുകെട്ട് ഇന്ത്യയ്ക്കായി പടുത്തുയര്ത്തി. എന്നാല് 36 റണ്സില് നില്ക്കേ കോലി പുറത്താകുമ്പോള് ടീം സ്കോര് 153-2. 32 റണ്സ് കൂട്ടിച്ചേര്ക്കുന്നതിനിടെ രഹാനെ(8) പുറത്തായത് ഇന്ത്യയ്ക്ക് തിരിച്ചടിയായി.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!