സാവോപോളോ: ബ്രസീലിയൻ ഫുട്ബോൾ വിസ്മയം റൊണാൾഡീഞ്ഞോ വിരമിക്കുന്നു. അടുത്ത സീസണോടെ വിരമിക്കുമെന്ന് റൊണാൾഡീഞ്ഞോ പറഞ്ഞു. ഇന്ത്യന്‍ സൂപ്പര്‍ ലീഗില്‍ കളിക്കാന്‍ റൊണാള്ഡീഞ്ഞോ എത്തുമെന്ന് നേരത്തെ റിപ്പോര്‍ട്ടുകള്‍ വന്നിരുന്നു. എന്നാല്‍ റൊണാള്‍ഡീഞ്ഞോയുടെ വിരമിക്കല്‍ പ്രഖ്യാപനം ഇന്ത്യന്‍ രാധകരെയും നിരാശരാക്കി.
റൊണാള്‍ഡഞ്ഞോയെപ്പോലെ ഇത്ര മനോഹരമായി ഫുട്ബോളിനെ മെരുക്കിയൊരു കളിക്കാരനെ നാം കണ്ടിട്ടുണ്ടാവില്ല. കളിക്കളത്തിൽ ഫുട്ബോളിനെ സംസാരിപ്പിച്ച മാന്ത്രികൻ. റൊണാൾഡീഞ്ഞോ മാജിക്കിന്റെ ഏറ്റവും വലിയ ഉദാഹരണമായിരുന്നു 2002 ലോകകപ്പിൽ ഇംഗ്ലണ്ടിനെതിരെ ഈ നേടിയ ഗോൾ.
രണ്ട് തവണ ലോകഫുട്ബോളർ. ലോകകപ്പ്, കോപ്പ അമേരിക്ക, കോൺഫെഡറേഷൻ കപ്പ്കിരീടങ്ങൾ. ചാംപ്യൻസ് ലീഗ് അടക്കമുള്ള ക്ലബ് കിരീടങ്ങളും. നേട്ടങ്ങളുടെ നെറുകയില്‍ നിന്ന് 36കാരനായ റൊണാൾഡീഞ്ഞോ ബൂട്ടഴിക്കുകയാണ്. പ്രായമായി. ചുറുചുറുക്കോടെ കളിക്കാൻ ഇനി കഴിയില്ല. അടുത്ത സീസണോടെ വിടപറയുകയാണെന്ന് റൊണാൾഡീഞ്ഞോ പറഞ്ഞു.