റോണോയുടെ ഇളയ മകളുടെ പിറന്നാള്; ആഘോഷത്തിന് ലോകത്തെ വിലയേറിയ വൈനും, തുക കേട്ടാല് ഞെട്ടും!
Synopsis
ഇളയ മകളുടെ പിറന്നാളാഘോഷത്തിന് രണ്ട് കുപ്പി വൈന് വാങ്ങാന് 27,000 ബ്രിട്ടീഷ് പൗണ്ട് അഥവാ 25 ലക്ഷത്തോളം രൂപയാണ് റോണോ ചിലവഴിച്ചത്.
ലണ്ടന്: ഇളയമകള് അലാന മാര്ട്ടിനയുടെ ആദ്യ ജന്മദിനം ആഘോഷിക്കുകയാണ് ഫുട്ബോള് സൂപ്പര് സ്റ്റാര് ക്രിസ്റ്റ്യാനോ റൊണാള്ഡോയും ഭാര്യ ജോര്ജീന റോഡ്രിഗസും. അലാനയ്ക്ക് സമൂഹമാധ്യമങ്ങളുടെ തകര്പ്പന് ആശംസയാണ് എക്കാലത്തെയും മികച്ച സ്ട്രൈക്കര്മാരിലൊരാള് നല്കിയത്. എന്നാല് മകളുടെ പിറന്നാളാഘോഷിക്കാന് റോണോ വാങ്ങിയ വൈനിന്റെ വില കേട്ട് അമ്പരന്നിരിക്കുകയാണ് ആരാധകര്.
ഇംഗ്ലീഷ് മാധ്യമമായ ദ് സണിന്റെ റിപ്പോര്ട്ട് പ്രകാരം രണ്ട് കുപ്പി വൈന് വാങ്ങാന് 27,000 ബ്രിട്ടീഷ് പൗണ്ട് അഥവാ 25 ലക്ഷത്തോളം രൂപയാണ് റോണോ ചിലവഴിച്ചത്. ലോകത്തിലെ ഏറ്റവും വിലയേറിയ റിച്ച്ബര്ഗ് ഗ്രാന്ഡ് ക്രുവിന്റെ(18,000 പൗണ്ട്) ഒരു ബോട്ടിലും ഇതിലുള്പ്പെടുന്നു. ജോര്ജീനയ്ക്കും രണ്ട് സുഹൃത്തുക്കള്ക്കുമൊപ്പമായിരുന്നു റോണോയുടെ ആഘോഷം. ലണ്ടനിലെ ഒരു റസ്റ്റോറന്റില് 15 മിനുറ്റ് മാത്രം ചിലവഴിച്ചായിരുന്നു റോണോ ഈ തുക പൊടിച്ചത്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!